ކޮވިޑް-19ގެ ބޭސް ކޯރަކަށް އެޅި، ކޯރުގައި އުޅޭ ގިނަ އަދަދެއްގެ މަސް މަރުވެއްޖެ

އިންޑިއާގެ ޖައްމު އާއި ކަޝްމީރުގެ ބަދްރެވާ ހިސާބުގައި އޮންނަ ނީރު ކޯރަށް ބޭހުގެ އަސަރު ކޮށް އެތަނުގައި އުޅޭ މަސްތަކެއް މަރުވެ މައްޗަށް އަރައިފިއެވެ.

Ads by Sosun Fihaara

ރިޕޯޓްތައް ބުނާ ގޮތުގައި މި ކޯރަށް އެޅިފައިވަނީ ކޮވިޑް-19 ޖެހިފައިވާ ބަލި މީހުންނަށް ދޭން ހާއްސަ ކޮށްފައިވާ ބޭހެކެވެ. އަދި އެބޭހުގެ އަސަރު ކޯރަށް ކުރުމުން މަސްތައް މަރުވީ ކަމަށް ވެސް ރިޕޯޓްތައް ބުނެއެވެ.

އިންޑިއާގެ ހޮސްޕިޓަލުތަކުން މައުލޫމާތު ދޭ ގޮތުގައި އެތަންތަނުން މުއްދަތު ހަމަވެފައި ހުންނަ ބޭސް އެއްވެސް ތާކަަށް އުކައެއް ނުލައެވެ. އަދި ބޭސްތައް އަބަދުވެސް ރައްކާތެރިކަމާއެކު ނައްތާލަނީ ކަމަށް އެމީހުން ބުނެއެވެ.

މި މައްސަަލަ ފުލުހުން ތަހުގީގު ކުރަމުން އަންނަ އިރު އިހްމާލްވެފައިވާ ފަރާތްތަކާމެދު ފިޔަވަޅު އަޅާނެ ކަމަށް ފުލުހުން ބުނެއެވެ.