ރާއްޖެއައި ފަތުރުވެރިންގެ އަދަދު ދެ ލައްކައަށްވުރެ މައްޗަށް
އަހަރުގެ މިހާތަނަށް ދެ ލައްކައަށް ވުރެ ގިނަ ފަތުރުވެރިން ރާއްޖެ އައިސްފިއެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މަރޗް މަހުގެ ހަތަރު ވަނަ ދުވަހުގެ ނިޔަލަށް 200,871 ފަތުރުވެރިން ވަނީ ރާއްޖެ އައިސްފައެވެ. މި ދުވަހުގެ ނިޔަލަށް އެންމެ ގިނަ ފަތުރުވެރިން އައިސްފައިވަނީ އަވައްޓެރި އިންޑިއާ އިންނެވެ.
އެގައުމުން 46,541 ފަތުރުވެރިން ވަނީ ރާއްޖެ އައިސްފައެވެ. ދެވަނަޔަށް އެންމެ ގިނަ ފަތުރުވެރިން އައިސްފައި ވަނީ ރަޝިއާއިންނެވެ. އެ ގައުމުން 42،417 ފަތުރުވެރިން ރާއްޖެ އައިސްފައި ވާއިރު، ޔޫކްރެއިނުން 13,350 ފަތުރުވެރިން ވަނީ ރާއްޖެ އައިސްފައެވެ.
2020 ވަނަ އަހަރުގެ މިމުއްދަތުގައި ރާއްޖެ އައިސްފައި ވަނީ 341,689 ފަތުރުވެރިންނެވެ. މިއީ މިދިޔަ އަހަރާ އަޅާބަލާއިރު 140،818 ގެ ދަށް ވުމެކެވެ.
ޓޫރިޒަމް މިނިސްޓްރީން އާންމު ކޮށްފައިވާ ތަފާސްހިސާބުތައް ދައްކާގޮތުން، ޖެނުއަރީ މަހު ރާއްޖެއަށް 92,103 ފަތުރުވެރިން އައިސްފައިވާއިރު، ފެބްރުއަރީ މަހު އައިސްފައި ވަނީ 96,881 ފަތުރުވެރިންނެވެ. ފެބްރުއަރީމަހު އެވްރެޖްކޮށް ދުވާލެއްގެ މައްޗަށް ރާއްޖެއަށް 3460 ފަތުރުވެރިން ވަނީ އައިސްފައެވެ.
މިދިޔަ އަހަރު ރާއްޖެއަށް ޖުމްލަ 555،494 ފަތުރުވެރިން ޒިޔާރަތްކުރި އިރު މި އަހަރުގެ ޓާގެޓަކީ 1.5 މިލިއަން ފަތުރުވެރިން ގެނައުން ކަމަށް ޓުއަރިޒަމް މިނިސްޓަރު ޑރ.މައުސޫމް ވިދާޅުވެފައިވެއެވެ.
މި ހުރިހާ ފާތުރުވެރިން މި ދަނީ ވެލާ ރިސޯޓައްތަ؟ އެނޫން ތާކުން ސާރވިސް ޗާޖު ދޭއަޑުނީވޭތީ އަހާލީ…