ވަކިތަނަކު މަސައްކަތްކުރާތީ ބޯހިޔާވަހިކަން ލިބޭކަށް ނުޖެހޭނެ: އީވާ
ވަކި ތަނެއްގައި މަސައްކަތް ކުރާތީ ބޯހިޔާވަހިކަން ލިބިގެން ނުވާނެ ކަމަށާއި، ބޯހިޔާވަހިކަން ލިބެންޖެހޭނީ އޭގެ އެންމެ ހައްގުވެރިންނަށް ކަމަށް ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ ވިދާޅުވެއްޖެއެވެ.
އީވާ މިހެން ވިދާޅުވީ ކުރީގެ ސަރުކާރުން ސްޓެލްކޯއާ ހަވާލު ކޮށްގެން ޢިމާރާތްކުރި ހިޔާ މަޝްރޫޢުގެ ފްލެޓްތަކާ ގުޅިގެން މަޖިލީހަށް ހުށައެޅި މައްސަލައެއް ކޮމިޓީން ދިރާސާކޮށް ނިންމިގޮތުގެ ރިޕޯޓަށް ވާހަކަފުޅު ދައްކަވަމުންނެވެ.
އީވާ ވިދާޅުވީ، ބޯހިޔާވަހި ކަމަކީ ވަކި ތާކު މަސައްކަތް ކުރާތީ ލިބެންޖެހޭ އެއްޗެއް ނޫން ކަމަށެވެ. އަދި ބޯހިޔާވަހިކަން ލިބެން ޖެހޭނީ ޖުމްލަ ގޮތެއްގައި ރަށު ތެރެއަށް ބަލައިގެން، އެކަމަށް އެންމެ ބޭނުން ޖެހިފައިވާ މީހުންނަށް ކަމަށް އީވާ ވިދާޅުވިއެވެ.
އީވާ ވިދާޅުވީ މާލެއަކީ މުޅި ރާއްޖޭގައި ވެސް ބިމާއި ގޯތި ހޯދުމަށް ދަތި ތަނަކަށް ވެފައިވާއިރު، ވަކިވަކި ކުންފުނިތަކުން ނިޒާމްތައް ކަނޑައަޅައިގެން ނުވަތަ އުސޫލްތައް ކަނޑައަޅައިގެން ވަކި ބަޔަކަށް ފްލެޓް ލިބޭގޮތް ހެދުމުން ބޯހިޔާވަހިކަމަށް އެންމެ ބޭނުން ވެފައި ތިބި މީހުން ބޯހިޔާވަހިކަމުން މަހުރޫމްވާ ކަމަށެވެ.
"ބޯހިޔާ ވަހިކަން ލިބެން ޖެހޭނީ ޖުމްލަ ގޮތެއްގައި ރަށުތެރެއަށް ބަލާ އެންމެ ބޭނުން ޖެހިފައިވާ މީހުންނަށް. ވަކި ތަނަކު މަސައްކަތްކުރާތީ ބޯހިޔާވަހިކަން ލިބޭކަށް ނުޖެހޭނެ. މިސާލަކަށް ސްޓެލްކޯގަ މަސައްކަތްކުރީ 25އަހަރު، އެސްޓީއޯގައި މަސައްކަތްކުރީ 30 އަހަރު. އެކަމު މާލޭގައި އެބައޮތް 3 ގޯތި 4 ގޯތި 5 ގޯތި. އެހެންކަމަށްވަންޔާ އެމީއަކަށް ލިބިގެނެއް ނުވާނޭ. ބޯހިޔާވަހިކަން ލިބެން ޖެހޭ މުއައްޒަފުން އެއީ ސްޓެލްކޯގައ އުޅުނަސް ރައްޔިތުންގެ މަޖިލީހުގަ އުޅުނަސް އަދި ފޮރިން މިނިސްޓްރީގަ އުޅުނަސް، ސަރުކާރުގަ އުޅުނަސް ސިވިލް ސާރވިސްގަ އުޅުނަސް، ކޮންމެ ތާކު އުޅުނަސް ބޯހިޔާވަހިކަން އަންނަން ވާނީ މައިގަނޑު އެއް ސިޔާސަތެއްގެ އެއްލިސްޓެއްގެ ޕްލޭނެއްގެ އެއް ޕްރޮގްރާމެއްގެ އުސޫލެއްގެ ތެރެއިންނޭ."އީވާ ވިދާޅުވިއެވެ.
އީވާ ވިދާޅުވީ ކޮންމެ ތަނެއްގައި މަސައްކަތް ކުރި ނަމަވެސް، ބޯހިޔާވަހިކަމަށް ބޭނުންވާ މީހުން ދާން ޖެހޭނީ މައިގަނޑު އެއް ޕްރޮގްރާމުގެ ދަށުން ކަމަށެވެ.
"އެމީހަކު މަސައްކަތްކުރާ ތަނެއްގެ ސަބަބުން އެމީހަކަށް ވަކި ބޯހިޔާވަހިކަން ދޭން ޖެހިގެނެއް ނުވާނެ،" އީވާ ވިދާޅުވިއެވެ.
ޢިއްޒަތްތެރި މެމްބަރުގެ ޢިއްޒަތްތެރި ދޫފުޅުން ތިޔަ ވެދާޅުވެވުނީ ހަމަ ސަތޭކައިގެ ވާހަކަފުޅެއް!
އާ މިފަހަރު މަވެސް ކަމަނާއާ އެއްބަސް
ވަކިރަށެއްގެ މީހެއް ވިއްޔާ ހުރިހާ ހިދުމަތެއް ލިބޭރަށަކުން ނޫނީ ހުލުމާލެއިން ބޯހިޔަާ ވަހިކަން ލިބެން ޖެހޭނެތޯ