ހާއްސަ އުސޫލަކާއެކު ކަރަންޓީން ނުވެ ކެމްޕޭން ދަތުރު ކުރެވޭ އުސޫލެއް ކަނޑައަޅައިފި
ކުރިއަށް އޮތް ލޯކަލް ކައުންސިލް އިންތިޚާބުގައި ވާދަ ކުރާ ކެނޑިޑޭޓުންނަށް ކެމްޕޭން ކުރުމަށް ކަރަންޓީން ނުވެ ދަތުރު ކުރެވޭނެ އުސޫލެއް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކަނޑައަޅައިފިއެވެ.
އެޗްޕީއޭ އިން ދާދި ދެންމެއަކު ގެޒެޓްގައި "ކޮވިޑް-19ގެ ހާލަތުގައި ރައްކާތެރިކަމާއެކު ލޯކަލް ކައުންސިލް ތަކުގެ އިންތިޚާބު ކުރިއަށް ގެންދިއުމުގައި އަމަލު ކުރަންވީ ގޮތުގެ އުސޫލަށް ފުރަތަމަ އިސްލާހު ގެނައުމުގެ އުސޫލު" ޝާއިއު ކޮށްފައެެވެ.
އެ އުސޫލުގައ ބުނެފައިވަނީ ކެނޑިޑޭޓުން ތާއީދު ހޯދުމަށް މަސައްކަތް ކުރުމުގައި އަމަލު ކުރަން ވާނީ އެ އޭޖެންސީން ކަނޑައަޅާ އުސޫލެއްގެ ދަށުން ކަމަށެވެ. އަދި ތާއިދު ހޯދުމަށް ކެމްޕޭން ދަތުރުތައް ކުރަން ވާނީ އެ އޭޖެންސީން އެކަމަށް ހާއްސަކޮށް ކަނޑައަޅާ ގައިޑްލައިނާ އެއްގޮތްވާ ގޮތުގެ މަތިން ކަމަށް ވެސް އެ އުސޫލުގައި ބުނެފައިވެއެވެ.
އެ އުސޫލުގައި އިތުރަށް ބުނެފައި ވަނީ އެޗްޕީއޭ އިން އާންމު ކުރާ ގައިޑްލައިނާ ޚިލާފު ވެއްޖެ ނަމަ އެ ކެނޑިޑޭޓަކަށް ނުވަތަ ފަރާތަކަށް ތާއިދު ހޯދުމަށް އެއް ރަށުން އަނެއް ރަށަށް ދަތުރު ކުރެވޭނީ އެ އޭޖެންސީގެ ކަރަންޓީނު ކުރުމުގައި އަމަލު ކުރާ އުސޫލާ އެއްގޮތްވާ ގޮތުގެ މަތިން ކަމަށެވެ.
މި އުސޫލުގައި އިތުރަށް ބުނެފައި ވަނީ މި އުސޫލުތަކަށް އަމަލުކުރަން ފަށާނީ ގެޒެޓުގައި މި އުސޫލް ޝާއިއު ކުރާ ތާރީހުން ފެށިގެން ކަމަށް ވެސް އެ އުސޫލުގައި ބުނެފައިވެއެވެ.
މިހާރުވެސް އެމީހުން ކަރަންޓީނު ވެގެންތަ އެހެން ރަށްރަށައް އެދަނީ .. އިބޫ އަކާ ކިބޫ އަކާ… މިމީހުން ފަރާތުން ބަލި ނާރާނެތީ..