ކޮވިޑް-19 ޖެހިފައި ތިބޭ މީހުން ދެނެގަންނަން ކުއްތާ ބޭނުން ކުރަން ފަށަނީ
ލެޓިން އެމެރިކާގައި ކޮވިޑް-19 ޖެހިފައި ތިބޭ މީހުން ދެނެގަންނަން ކުއްތާ ބޭނުން ކުރަން ފަށައިފިއެވެ.
އެލް ސެލްވަޑޯގެ ފުލުހުން ބުނެފައި ވަނީ ކޮވިޑް-19 ޖެހިފައިތި ބޭ މީހުންގެ ވަހާއި ދާ ބޭނުން ކޮށްގެން، ވައިރަސްއަށް އިންފެކްޓް ވެފައި ތިބޭ މީހުން ދެނެގަންނާނެ ގޮތެއް ހޯދުމުގެ މަސައްކަތް ކުރަމުން އަންނަ ކަމަށެވެ.
"މިމަސައްކަތް ވަރަށް އުނދަގޫ. ތަފާތު އެކި ސްޓްރައިން އެބަ އުޅޭ. ކޮންމެ ސްޓްރެއިނެއްގެ ވަސް ތަފާތު." އެމެރިކާގެ ސެންޓްރަލް ނާކޮޓިކްސްގެ ވެރިޔާ ވިލްބާ އަލަކޮން، އޭޕީއެފް ނޫހަށް މަޢުލޫމާތު ދެމުން ބުނެފައިވެއެވެ.
އޭނާ ބުނެފައި މަދު ދުވަސްކޮޅެއްގެ ތެރޭގައި އެއަރޕޯޓްތަކާއި ބަސް ޓާމިނަލް ތަކުގައި މަސްތުވާތަކެތި ދެނެގަންނަން އަދި ބޮން ފަދަ ތަކެތި ދެނެގަންނަން ކުއްތާ ހަރަކާތްތެރިވާ ގޮތަށް، ކޮވިޑް-19 ޖެހިފައި ތިބި މީހުން ދެނެގަންނަން ކުއްތާ ހަރަކާތްތެރިވާން ފަށާނެ ކަމަށެވެ.
"ކުއްތާއަށް ކޮވިޑް-19 ޖެހިފައި ހުރި މީހެއް ދެނެގަނެވުމުން ވަގުތުން ޓެސްޓް ކުރަން ޖެހޭނެ. މިގޮތަށް ކަންތައް ކުރުމުން، ބަލި ފެތުރުން ވަރަށް ބޮޑަށް ކޮޮންޓްރޯލްވޭ. ކޮވިޑް-19 އާއްމުކޮށް މި ފެތުރެނީ ބަލި ޖެހިފައި ތިބި މީހުންނަށް ނޭނގި އިތުރު ފަރާތްތަކަށް ބަލި ޖައްސާތީ" އޭނާ ބުނެފައިވެއެވެ.
ކޮވިޑް-19 އިން ރައްކާތެރިވުމަށް ވެކްސިން ޖަހަން ފަށާފައި ވީނަމަވެސް، މި ބަލި ޖެހޭ މީހުންގެ އަދަދު ދުވަހެއް ދުވަހަކަށް ދަނީ އިތުރު ވަމުންނެވެ. މިގޮތުން މިހާތަނަށް 119,613,830 މީހަަކަށް ކޮވިޑް-19 ޖެހިފައިވެއެވެ.
