އުތުރުގެ ރަށެއްގައި 13 އަހަރުގެ ކުއްޖަކަށް ޖިންސީ ފުރައްސާރަ ކުރި މައްސަލައެއް
ރާއްޖޭގެ އުތުރުގެ ރަށެއްގައި 13 އަހަރުގެ ކުއްޖަކަށް ޖިންސީ ފުރައްސާރަ ކުރި މައްސަލައެއް ފެންމަތިވެއްޖެ އެވެ.
އުތުރުގެ ރަށެއްގައި އުމުރުން 13 އަހަރުގެ އަންހެން ކުއްޖަކަށް ޖިންސީ ފުރައްސާރަ ކޮށްފައިވާ މައްސަލައެއް ބަލަމުންދާ ކަމަށް ފުލުހުން ވަނީ "ދެން" އަށް ކަށަވަރު ކޮށްދެއްވާފައެވެ.
ފުލުހުންގެ މީޑިއާ އޮފިޝަލަކު "ދެން" އަށް މައުލޫމާތު ދެއްވަމުން ވިދާޅުވީ ނޯތު ޕޮލިސް ޑިވިޝަން (ނ، ރ، ބ، ޅ) ހިމެނޭ ރަށެއްގައި 13 އަހަރުގެ އަންހެން ކުއްޖަކަށް، އިތުބާރު ކުރެވޭ މަގާމެއްގައި ހުރި މީހަކު، ޖިންސީ ގޯނާ ކުރިކަމަށް ތުހުމަތު ކުރެވޭ މައްސަލައެއް 23 މާރިޗް 2021 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މި މައްސަލަ ފުލުހުން އިތުރަށް ބަލަމުން ދާއިރު، އުތުރުގެ ރަށެއްގައި އުމުރުން 14 އަހަރުގެ ކުއްޖަކަށް ޖިންސީ ގޯނާ ކޮށްފައިވާ މައްސަލައެއް ވެސް މިހާރުވަނީ ފެންމަތި ވެފައެވެ. އެތުހުމަތު ކޮށްފައިވަނީ ޓީޗަރަކަށާއި އިތުރު ތިން މީހަކަށެވެ. ނަމަވެސް މިއީ ހަގީގަތެއް ނޫން ކަމަށް ބުނެ ބައެއް ފަރާތްތަކުން ވަނީ މީސްމީޑިއާ ގައި ކަންބޮޑުވުން ފާޅުކޮށްފައެވެ. މި މައްސަލައިގައި ތުހުމަތުވާ ފަރާތްތަކުން ހައްޔަރު ކުރުމަށް ގޮވާލާ އެރަށުގައި ވަނީ އިހުތިޖާޖު ކުރަމުންނެވެ.
