ދިވެހިން ތިބީ އެމްޑީޕީއަށް ވޯޓް ދިނުމަށް ކެތް މަދުވެފައި: ރައީސް ނަޝީދު
ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީ އަށް ވޯޓުދޭން ދިވެހިން ތިބީ ކެތްމަދުވެފައި ކަމަށް އެ ޕާޓީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ ރޭ އެމްޑީޕީން އޮންލައިންކޮށް ރަށްތަކުގެ ކެންޑިޑޭޓުންނާއި ބައްދަލުކުރުމަށް ބޭއްވި "ރަށްވެހި ފަތިސް" ކެމްޕެއިން އިވެންޓުގައި ވާހަކަދައްކަވަމުންނެވެ.
ރޭގެ ބައްދަލުވުމުގައި ވާހަކަދައްކަވަމުން ނަޝީދު ވިދާޅުވީ އޮންލައިންކޮށް ކެނޑިޑޭޓުންނާއެކު ބޭއްވި ބައްދަލުވުންތައް ނިމުނު ނަމަވެސް އެމްޑީޕީގެ ކެމްޕެއިން ނުނިމޭ ކަމަށާއި އަދި ކިރިޔާ މި ފެށުނީ ކަމަށެވެ. އަދި ދިވެހިން ތިބީ ތިލަފަތާއެކުގައި ކަމަށާއި ދިވެހިން ތިބީ އެމްޑީޕީއަށް ވޯޓް ދިނުމަށް ކެތް މަދުވެފައި ކަމަށެވެ.
"މި ދިވެހިރާއްޖޭގެ ރައްޔިތުން ތިބީ ތިލަފަތާ އެކުގައި. އެމްޑީޕީ އަށް ވޯޓު ދިނުމަށް ކެތްމަދުވެފައި" ނަޝީދު ވިދާޅުވިއެވެ.
އަދި ކެމްޕެއިންގެ ފަހު 10 ދުވަހަށް އެމްޑީޕީން ރަނގަޅަށް ފޫގަޅާލާނެ ކަމަށާއި އެމްޑީޕީ ދެން ނުހުއްޓުވޭނެ ކަމަށްވެސް ނަޝީދު ވިދާޅުވިއެވެ.
ކައުންސިލް އިންތިހާބުގައި އެމްޑީޕީގެ ފަރާތުން 841 ކެންޑިޑޭޓުން ވާދަކުރާއިރު، އޭގެތެރެއިން 21 ގޮނޑި މިހާރު ވެސް އެމްޑީޕީ އަށް ވަނީ ކަށަވަރުވެފައެވެ. އަދި އަންހެނުންގެ ތަރައްގީ އަށް މަސައްކަތް ކުރާ ކޮމިޓީތަކުގެ އިންތިހާބުގައި އެމްޑީޕީގެ ފަރާތުން 681 ކެންޑިޑޭޓުން ވާދަކުރާއިރު، އޭގެތެރެއިން 53 ގޮނޑި އެމްޑީޕީ އަށް މިހާރު ވަނީ ކަށަވަރުވެފައެވެ.
ނަޝީދު ގެ ވަރަށް ރަންގަޅު ވާހަކަ އެއް!!¡¡
ލާނިމުނީމަ ކިކޭބާ ބުނާނީ ހަމަގައިމުވެސް މާލެ މިފަހަރު ގުޑާނެ ފިސާރި ގަދަޔައް މިތާކު ނުހޮވޭނެ އެގޯތި މިގޯތި މީހާއެއް ވަރައް ސާފު މިފަހަރު