މިއަދު ރާއްޖެއިން ވެކްސިން ޖެހީ 2،034 މީހުން
ކޮވިޑް-19 އިން ރައްކާތެރިވުމަށް މިއަދު މާލެ ސަރަޙައްދުން 615 މީހުންނާއި އަތޮޅުތަކުން 1،419 މީހުން ވެކްސިން ޖަހައިފިއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމު ކޮށްފައިވާ ޑޭޓާއަަށް ބަލާއިރު 2،034 މީހުންނަށް މިއަދު ކޮވިޑަށް ވެކްސިން ދީފައި ވެއެވެ. މިއާ އެކު މިހާތަނަށް މުޅި ރާއްޖެއިން ޖުމްލަ 237،716 މީހުންނަށް ވެކްސިން ދީފައި ވެއެވެ.
މާލެ ސަރަޙައްދުގައި ވެކްސިން ދިނުމަށް ގާއިމް ކޮށްފައިވާ 6 ސެންޓަރުން މިހާތަނަށް ޖުމްލަ 130،991 މީހުންނަށް ވެކްސިން ދީފައިވާއިރު އަތޮޅުތަކުގެ ދެ ސެންޓަރުން މިހާތަނަށް ޖުމްލަ 106،725 މީހަކަށް ވެކްސިން ދީފައި ވެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާއްމު ކޮށްފައިވާ ސާވޭލަންސް ޑޭޓާއަށް ބަލާއިރު މިއަދު ރާއްޖެއިން ކޮވިޑަށް ފައްސި ވެފައި ވަނީ މާލެއިން 73 މީހުންނާއި، އަތޮޅުތަކުން 74 މީހަކާއި، ހިންގަމުން އަންނަ ރިސޯޓުތަކުން 15 މީހަކާއި، އިންޑަސްޓްރިއަލް ރަށަކުން 79 މީހުންނެވެ.
މިހާތަނަށް ރާއްޖެއިން މި ބައްޔަށް ޖުމްލަ 24،079 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައި ވަނީ ޖުމްލަ 21،115 މީހުންނެވެ. އަދި މިހާތަނަށް މި ބަލީގައި ރާއްޖެއިން 67 މީހުން ނިޔާވެފައި ވެއެވެ.
