ނަށަން ވާނީ ނަށާވަރު ކަމެއް ވީމާ: މަލީހު
ނަށަން ވާނީ ނަށާ ވަރުގެ ކަމެއް ވުމުން ކަމަށް ކުރީގެ ، މިނިސްޓަރ އޮފް ކޮމިއުނިކޭޝަން ސައިންސް އެންޑް ޓެކްނޮލޮޖީ މުހައްމަދު މަލީހު ޖަމާލް ވިދާޅުވެއްޖެއެވެ.
މަލީހު މިހެން ވިދާޅުވީ ރައްޔިތުން މަޖިލީހުގެ އެމްޑީޕީ ޕާލިމެންޓްރީ ގްރޫޕްގެ ލީޑަރު އަލީ އާޒިމާއި އެމްޑީޕީގެ ޕާލިމެންޓްރީ ގްރޫޕްގެ ޑެޕިއުޓީ ލީޑަރު، ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސޭން) އަދި މެންބަރު އިލްޔާސް ލަބީބްގެ އިތުރުން ސްޓޭޓް ޓްރޭޑިންގ އޯގަނައިޒޭޝަންގެ މެނޭޖިންގ ޑިރެކްޓަރ ހުސެއިން އަމްރު އެކުގައި ނަށާ ވީޑިއޯ ލީ އާޒިމް ޓްވިޓާގައި އާއްމު ކުރުމާ ގުޅިގެންނެވެ.
"ދަރަނި ހޯދާ ކޮޅު ނުފެންނަ ހިސާބުގަ، ބޮޑު އިންވެސްޓްމެންޓެއް ނުގެނެވުނު، ސަރުކާރު ފުލުސްޓޮޕްގަ، މަޖިލިސް ޑްރާމާ ކުޅުމުގަ، ބޭއިންސާފު ދައުވާ އާންމުވެއްޖެ، ވައްކަން އުންސުރު ހަމަނުވޭ، ރައްޔިތުން ހަނާވަނީ. ނަށަން ވާނީ ނަށާވަރު ކަމެއް ވީމަތާ" މަލީހު ވިދާޅުވިއެވެ.
މަލީހު ވަނީ ކޮމިޝަނާ އޮފް ޕޮލިސް މުހައްމަދު ހަމީދުގެ ހިތްވަރު ހުރިނަމަ ނަށަން ތިބި މީހުން ޓެސްޓު ކުރުމަށް ގޮވާލާފައެވެ.
އާޒިމްގެ ޓްވީޓާއެކު ގިނަ ބައެއްގެ ފާޑު ކިޔުން އެ މީހުންނަށް ވަނީ އަމާޒުވެފައެވެ. މި ގޮތުން ބައެއް ފަރާތްތަކުން ބުނަމުން ދަނީ ރާއްޖެ މި ފަދަ ނާޒުކު ހާލެއްގައި އޮތްއިރު، އެ ފަދަ ނާޗަރަންގީ ކުޅުމަކީ ޤަބޫލު ކުރެވޭނެ ކަމެއް ނޫން ކަމަށެވެ. އަދި ސިކުނޑި ހަމަޖައްސާލަން ނަށާލުމަކީ މައްސަލައެއް ކަމުގައި ނުދެކޭ ކަމަށް ވެސް ބައެއް ފަރާތްތަކުން ބުނެފައި ވެއެވެ.
ރާބޮއި އަމަލު ވެގެންތިބެ “ސަންރައިސް” ބަލަނީ ތޯއްޗެއް! ކޮންމެއަކަސް، ތިޔަ އަނދުން ހުސޭނާއި، އަލީ އާޒިމާއި،އިލިޔާސް ލަބީބާއި އަމްރު އަކީ ރާބުއިމާއި ފާހިޝް ކަންކަން ޢާއްމު ކުރުމަށް ފާޅުގައި ގޮވާލުމުން ދަސްވެނި ވެފައި ތިބި ބަޔެއް.މިކްކު ކަކުނި ހަމީދު (އެމް.ސީ) ހަމީދަކީ ލާދީނިއްޔަތު އާލާކުރާ އެމް.ޑީ. އެންގެ ކައްޕިތާނު.ވީމާ، ތިތިބީ ތިޔަ ކަމުގެ ޢިގްރީ ހޯލްޑަރުން.
އަނގަ ގަދަ މިތުރު.. ވަޒީރުކަން ގެއްލުނީމަ ވަރަށްވައި ދޯ