ރޭގަނޑު ފޯނު ޗާޖު ކުރުމަކީ ރައްކާތެރި ގޮތެއް ނޫން!
މިއީ އަޅުގަނޑުމެން ޤަވާއިދުން ކުރާ ކަމެކެވެ. ދުވާލުގެ ބުރަ މަސައްކަތްތަކަށް ފަހު ރޭގަނޑުގެ އަރާމު ނިދި ލިބިގަތުމަށްޓަކައި އޮށޯވުމުގެ ކުރިން ފޯނު ޗާރޖަށް ޖެހުމަކީ ގިނަ ބައެއްގެ އާދައެވެ.ސަބަބަކީ އޭރުން ހެނދުނު ހޭލެވެން ވާއިރަށް ފޯނު ރަނގަޅަށް ޗާރޖު ކުރެވިފައި އޮންނާނެތީއެވެ. އަދި ދުވާލުގެ ވަގުތު ތަކުގައި ފޯނު ޗާރޖު ކުރަން ހަނދާން ނެތި ނުވަތަ ހަނދާން ހުރި ނަމަވެސް އެކަން ކުރަން ވަގުތު ނުލިބޭތީއާ ވެސް އެކުގައެވެ. ނަމަވެސް އަޅުގަނޑުމެންނަށް ނޭނގި އޮތް ކަމަކީ މިއީ އެންމެ ރަނގަޅު ގޮތް ނޫން ކަމެވެ. އެއީ ރޭގަނޑުގެ ވަގުތުގައި މިގޮތަށް ފޯނު ޗާރޖަށް ޖެހުމަކީ ރައްކާތެރި ކަމަކަށް ނުވާތީއެވެ.
ޚާއްސަކޮށް ފޯނު ގަންނަ ދުވަސްވަރުގައި މިގޮތަށް ޗާރޖް ކުރުމަކީ ނުހަނު ގެއްލުން ހުރި ކަމެކެވެ. ސަބަބަކީ ފޯނު ރަނގަޅަށް ޗާރޖުވި ނަމަވެސް ހެނދުނު ހޭލަން ވާއިރަށް ވެސް ކަރަންޓަށް ގުޅާފައި އޮންނާތީއެވެ. އަދި މިގޮތަށް 4 ގަޑި އިރަށްވުރެ ގިނައިރު ވެސް ފޯނު އޮވެއެވެ. މިހާ ގިނަ އިރު ވަންދެން ފޯނު ޗާރޖް ކުރުމަކީ ބެޓެރީ އަށް ނުހަނު ގެއްލުން ހުރި ކަމެކެވެ.
އައު ފޯނެއް ނަމަ ބެޓެރިއަށް ކުރާ އަސަރު ބޮޑުވުމަކީ ވެސް އެކަށީގެންވާ ކަމެކެވެ. އެހެންކަމުން އެންމެ ރައްކާތެރި ގޮތަކީ ދުވާލު ފޯނު ޗާރޖު ކުރުމެވެ. ސަބަބަކީ ދުވާލު ޗާރޖު ކުރުމުން ފޯނު ނަގަން ހަނދާން ހުރުމާ އެކު އެކަށީގެންވާ ވަރަށް ވުރެ ގިނައިން ފޯނު ޗާރޖު ވުމަށް އޮންނަ ފުރުސަތު ކުޑަ ވާތީއެވެ.
މީގެ އިތުރުން ވެސް ރޭގަނޑު ފޯނު ޗާރޖަށް ޖެހުމުގެ ސަބަބަން ޗާރޖު ކުރެވޭ ވަރު އިތުރުވާތީ ފޯނު ހަލާކުވުން އަވަސްވެއެވެ. އެހެންކަމުން ހަޤީޤަތުގައި ފޯނު ގެންގުޅެވޭނެ މުއްދަތަށްވުރެ އަވަހަށް ހަލާކު ވެގެން ދެއެވެ
މި ސަބަބަތަކާ ހުރެ ފޯނު އުފައްދާ ފަރާތްތަކުން ވެސް ވަނީ ރޭގަނޑު ފޯނު ޗާރޖު ނުކުރުމަށް އިލްތިމާސް ކޮށްފައެވެ. ފޯނު އުފައްދާ މަޝްހޫރު ކުންފުނި ކަމަށްވާ އެޕަލްއިން ވެސް ވަނީ އައިފޯން 24 އިންސައްތައަށް ވުރެ ދަށް ވުމުން ނޫނީ ޗާރޖު ނުކުރުމަށް އެދިފައެވެ. މި ހުރިހާ ފަރާތްތަކުންގެ ވެސް އިލްތިމާސަކީ ފޯނު ޗާރޖު ކުރަން ކޮންމެހެން ޖެހުމުން ނޫނީ ޗާރޖު ނުކުރުމެވެ.
Ads by STO
