40 ޕަސެންޓު މީހުން ވޯޓުލާނެ ކަމަށް ލަފާކުރެވޭ : އީސީ
މިއަދު ކުރިއަށްދާ ލޯކަލް ކައުންސިލްތަކާއި އަންހެނުންގެ ތަރައްގީ އަށް މަސައްކަތްކުރާ ކޮމެޓީ ތަކުގެ އިންތިހާބުގައި ވޯޓުލާނެ ކަމަށް ލަފާ ކުރެވެނީ 40 ޕަސެންޓު މީހުން ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފް ވިދާޅުވެއްޖެއެވެ.
އިންތިހާބާ ގުޅޭ ގައުމީ މަޖިލީހުގައި ވާހަކަ ދައްކަވަމުން ޝަރީފް ވިދާޅުވީ މިއަދު ކުރިއަށްދާ އިންތިހާބުގައި ވޯޓު ލާފައިވާ މީހުންގެ އަދަދު ދަށް ކަމަށާއި މިހާތަނަށް ވޯޓު ލީ މީހުންގެ އަދަދު 44،026 އަށް އަރާފައިވާ ކަމަށެވެ.
މިހައި ތަނަށް އިލެކްޝަނުން ބެހެއްޓި 713 ވޯޓު ފޮށީގެ ތެރެއިން 709 ވޯޓު ފޮށީގެ ވޯޓުލުން މިހާރު ކުރިއަށް ދާއިރު މިފަހަރު ވޯޓުލާން ނުކުންނާނެ ކަމަށް ބެލެވެނީ 38- 40 ޕަސެންޓް މީހުން ކަން ޝަރީފް ފާހަގަ ކުރެއްވިއެވެ.
މީގެ އިތުރުން ޝަރީފް ވިދާޅުވީ މިއަދު 10:45 އާ ހަމައަށް ވޯޓުލީ ވޯޓު ލުމުގެ ހައްގު ލިބިގެންވާ މީހުންގެ 17 ޕަސެންޓް މީހުން ކަމަށެވެ. އެއީ 26،000 ފިިރިހެނުންނާއި 17،000 އަންހެނުން ހިމެނޭ ގޮތަށް 44،026 މީހުންނެވެ. އަތޮޅު ތެރޭގެ 400 ވޯޓު ފޮށި މާލޭގައި ހުރިއިރު އަދި މިހާތަނަށް ވޯޓުލީ 29،000 ހާހެއްހާ މީހުންނެވެ.
Ads by STO
