ފެލިވަރުގައި ތިބި ފައްސި މީހުންނާއި ކަރަންޓީންގައި ތިބި މީހުންނަށް ވެސް ކައިރި ރަށްރަށަށް ވޯޓުލާން ދެވޭނެ : ޝަރީފް
ފެލިވަރުގައި ކޯވިޑް-19އަށް ފައްސިވެފައި ތިބި މީހުންނަށް ވެސް ކައިރި ރަށްރަަށަށް ވޯޓުލާން ދެވޭނެ ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފް ވިދާޅުވެއްޖެއެވެ.
މިއަދު ބޭއްވި އިލެކްޝަންސް ކޮމިޝަނުގެ ޤައުމީ ލަފާދޭ ކޮމިޓީގެ ބައްދަލުވުމުގައި އިލެކްޝަންސް ކޮމިޝަނުގެ ރައީސް އަޙްމަދު ޝަރީފް ވިދާޅުވީ، ޅ.އަތޮޅު ފެލިވަރު ކަހަލަ ބޮޑެތި އާބާދީއެއް މަސައްކަތްކުރާ މީހުންގެ ގޮތުގައި ތިބި ރަށްރަށުގައި ފޮށި ނުބެހެއްޓި ވާނަމަ ކައިރި ރަށްރަށަށް ފައްސިވެފައި ތިބި މީހުން ވެސް އަދި ކަރަންޓީން މީހުންނަށް ވެސް ވޯޓުލާން ދެވޭގޮތަށް ހުއްދަ އެޗްޕީއޭގެ ފަރާތުން ދެއްވާފައިވާނެ ކަމަށެވެ.
އަދި އެއްވެސް ސަބަބަކާ ހުރެ ވޯޓުފޮށްޓެއް ނުބެހެއްޓި ވާ ރަށެއް ވާނަމަ އެރަށުގައި ކަރަންޓީނު ވެފައިވާ މީހުންނާއި ފައްސި މީހުންނަށް ވެސް ކައިރި ރަށްރަށަށް ވޯޓުލާން މިހާރު ދެވޭނެކަމަށް އޭނާ ވިދާޅުވިއެވެ.
ފެލިވަރުން ގިނަ ބަޔަކު ކޯވިޑް-19އަށް ފައްސިވެ، މޮނިޓަރިންގެ ޙާލަތަށް ގެނެސްފައިވުމުން މިއިންތިޚާބުގައި އެރަށުގައި ވޯޓު ފޮށްޓެއް ބަހައްޓާފައެއް ނުވެއެވެ.
Ads by STO
