ވެރިކަމުގެ ނިޒާމަށް ބަދަލު ގެނެވޭނީ ރައްޔިތުންގެ ފެންނަ ނުފެންނަ ވޯޓަކުންކަން ގަބޫލު ކުރަން: ރައީސް ނަޝީދު
ރާއްޖޭގެ ވެރިކަމުގެ ނިޒާމަށް ބަދަލު ގެނެވޭނީ ރައްޔިތުންގެ ފެންނަ ނުފެންނަ ވޯޓަކުން ކަމަށް ގަބޫލު ކުރައްވާ ކަމުގައި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ދާދި ދެންމެއަކު ނަޝީދު ކުރެއްވި ޓްވީޓެއްގައި ވިދާޅުވީ ނިޒާމް ބަދަލު ކުރުމުގެ ކޮންމެ މަޝްވަރާއަކީ އަދި ކޮންމެ މަސައްކަތަކީ ފެންނަ ނުފެންނަ ވޯޓަކާ ގުޅޭ ކަންކަން ކަމުގައެވެ.
ރައީސް ނަޝީދު، ރައީސް ޞާލިހަށް ފޮނުއްވި މެސެޖެއްގައި ވަނީ 2023 ވަނަ އަހަރު ރިޔާސީ އިންތިޚާބު ނުބޭއްވުމަށް އެދިވަޑައިގަންފައެވެ. އަދި ހަމަ އެހެންމެ އެމަނިކުފާނު ވަނީ ރާއްޖޭގެ ބޮޑުވަޒީރުކަމުގެ މަގާމަށް ވަޑައިގަތުމުގެ ޝައުގު ވެސް ރައީސް ޞާލިހުގެ އަރިހުގައި ފާޅު ކުރައްވާފައެވެ. ރައީސް ނަޝީދު ވިދާޅުވީ ބޮޑުވަޒީރުކަން ކުރައްވަން ބޭނުންފުޅު ވަނީ، އެއްފަރާތްވެވަޑައިގެން ނުހުންނަވައި ޤައުމު ހިންގަވަން ބޭނުންފުޅު ވާތީ ކަމަށެވެ.
މިކަމާ ގުޅިގެން ރައީސް އިބްރާހިމް މުހައްމަދު ޞާލިހު ވިދާޅުވީ ރާއްޖޭގެ ވެރިކަމުގެ ނިޒާމަށް ބަދަލެއް ގެނެވޭނީ ރައްޔިތުންގެ ވޯޓަކުން ކަމަށެވެ.
ރައީސް އޮފީހުގެ ތަރުޖަމާނު މަބްރޫކް ޢަބްދުލްއަޒީޒް މިއަދު މީޑިއާތަކަށް މައުލޫމާތު ދެއްވަމުން ވިދާޅުވީ، ރާއްޖޭގެ ވެރިކަމުގެ ނިޒާމު ބަދަލު ކުރުމާ ގުޅޭގޮތުން ކުރީގެ ރައީސް މުޙައްމަދު ނަޝީދު، ރައީސް ޞާލިޙަށް ކުރެއްވި މެސެޖެއް ވަނީ ލިބިވަޑައިގެންފައި ކަމަށެވެ.
"މިހާރު މި ޢަމަލު ކުރަމުންދާ ވެރިކަމުގެ ނިޒާމަކީ ރައްޔިތުންގެ ސީދާ ވޯޓަކުން ޢަމަލު ކުރުމަށް ނިންމާފައިވާ ގޮތެއް ކަމަށް ވާތީ، މިކަމަށް ބަދަލެއް ގެނެވޭނީ ވެސް އާންމު ރައްޔިތުންގެ ވޯޓަކުން ކަމަށް ރައީސުލް ޖުމްހޫރިއްޔާ ދެކެވަޑައިގަންނަވާ" ރައީސްގެ ތަރުޖަމާނު ވިދާޅުވިއެވެ.
ޜައްޔިތުން އިރެއްގަ ރައީސް ނަސީދު ބަލައިގަތަސް މިހާރު ރައްޔިތުންނެއް ނޫޅޭ ރާއީސް ނަސީދަކައިގެން. ރައްޔިތުން އިނގިއްޖެ ރައީސް ނަސީދަކީ އުޑެއް ބުޑެއް ވަކިވާވަރަށްވުރެ ހާލުދެރަ ބޭފުޅެއްކަން.
ނަޝީދައް ދޭން އެންމެރަންގަޅު މަގާމަކީ ކޮންމެވެސް ފަޅު ރަށެއްގެ ރާވެރިކަން.