އާރްޑީސީގެ އޮފީސް ފަޅައިލި މައްސަލައިގައި ތިން މީހުން ހައްޔަރުކޮށްފި

ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)ގެ އޮފީސް ހަފުތާއެއްގެ ތެރޭގައި ދެ ފަހަރަށް ފަޅައިލައި ފައިސާތަކެއް ވަގަށް ނެގި މައްސަލައިގައި ތިން މީހަކު ހައްޔަރުކޮށްފިއެވެ.

Ads by MWSC

އެ މައްސަލައިގެ ތުހުމަތުގައި ހައްޔަރުކޮށްފައި ވަނީ އުމުރުން 25 އަހަރުގެ މީހަކާއި 31 އަހަރުގެ މީހަކާއި 33 އަހަރުގެ މީހެކެވެ.

އާރްޑީސީ އޮފީސް ފަޅައިލައިފައި ވަނީ އޭޕްރިލް މަހުގެ 17 ވަނަ ދުވަހުއެވެ. ފުލުހުން ބުނީ އެ އޮފީހުން 100،000އަށް ވުރެ ގިނަ ރުފިޔާ ވަގަށް ނަގައިފައިވާ ކަމަށެވެ.

އެމީހުންގެ ބަންދާމެދު ގޮތެއް ނިންމަން ކޯޓަށް ހާޒިރު ކުރުމުން އެ ތިން މީހުންގެ ބަންދަށް ވެސް 10 ދުވަސް ވަނީ ދީފައެވެ.