ރައީސް ނަޝީދުގެ ސެކިއުރިޓީ ޓީމްގެ ބޭފުޅުންގެ މަސައްކަތްފުޅަކީ ތަޢުރީފް ޙައްޤު މަސައްކަތެއް: މާރިޔާ
ރައީސް މުޙައްމަދު ނަޝީދަށް ދިން ހަމަލައިގައި އެމަނިކުފާނުގެ ސެކިއުރިޓީ ޓީމްގެ ބޭފުޅުން ކުރެއްވި މަސައްކަތްފުޅަކީ ތަޢުރީފް ޙައްޤު މަސައްކަތެއް ކަމަށް ޑިފެންސް މިނިސްޓަރ މާރިޔާ ދީދީ ވިދާޅުވެއްޖެއެެވެ.
މިހާރު މޯލްޑިވްސް ނޭޝަނަލް ޑިފެންސްފޯސް އިން ކުރިޔަށްދާ ނޫސްވެރިންގެ ބައްދަލުވުމެއްގައި މިނިސްޓަރ މާރިޔާ ދީދީ ވިދާޅުވީ، އެވަގުތު ރައީސް ނަޝީދުގެ އަރިހުގައި ސެކިއުރިޓީގައި އުޅުއްވި ބޭފުޅުންނާ ބައްދަލު ކުރެއްވި ކަމަށާއި އެބޭފުޅުން ކަންތައް ކުރެއްވި ގޮތް ކިޔައިދިން ކަމަށެވެ.
"ރޭ ގޮވި އެއްޗެއްގެ އަޑު ބާރުކަމުން އެސްޕީޖީގެ ބޭފުޅުންގެ ކަންފަތަށް ވެސް ގެއްލުން ލިބިފައިވޭ. އެބޭފުޅުން މަސައްކަތް ކުރެއްވީ އަމިއްލަ ފުރާނައަށް ބެލުމެއް ނެތި ވަރަށް ޕްރޮފެޝަނަލްކޮށް" މާރިޔާ ވިދާޅުވިއެވެ.
މާރިޔާ އިތުރަށް ވިދާޅުވީ، ސިފައިން ވަނީ ވަރަށް ޕްރޮފެޝަނަލް މަސައްކަތްތަކެއް ކޮށްދެއްވާފައި ކަމަށާއި ސިފައިން ކުރަންޖެހުނު ކޮންމެ ކުރައްވާނެ ކަމުގެ ޔަގީންކަން އެބައޮތް ކަމަށެވެ. އަދި ކާރުކޮޅުގައި ނަޝީދު ގެންދެ ވީވެސް ޓްރެނިންގއިން ކިޔައިދިން ގޮތަށް ޕްރޮފެޝަނަލްކޮށް ކަމަށް ވެސް ވިދާޅުވިއެވެ.
މީގެ އިތުރުން ސިފައިންނަށް އެކި ވަރުގެ ޒަހަމް ލިބުނު ނަމަވެސް އެ ބޭފުޅުން ކުރެއްވި ހިތްވަރާއި، އަމިއްލަ ފުރާނަޔަށް ވިސްނުމެއް ނެތި ޤައުމުގެ ވެރިއެއް ސަލާމަތް ކުރުމަށް ކުރެއްވި މަސައްކަތަށް ޝުކުރު ހައްގުކަމަށް މާރިޔާ ވިދާޅުވިއެވެ.
ޢަދި ކިރިޔާ މީހެއްގެ ފުރާނައަށް ގެއްލުން ދިނުމުގެ ހަމަލާއެއް ދެވުނު ކަމަށް ޤަބޫލު ކުރެވެން ފެށީ. 2008ވަނަ އަހަރު ހޯރަފުށީގއަި ރައީސް މައުމޫނަށް ދެވުނު ހަމަލާއަކީ ޑްރާމާއަކޯ! ޜައީސް ޔާމީނަށް ދެވުނު ހަމަލާއަކީ ވެސް ޑްރާމާއަކޯލަ! 6 މެއި 2021ވަނަ ދުވަހުގެ ރޭ ދެވުނު ޙަމަލާ އަކީ ޓެރަރިސްޓް ހަމަލައަކޯލަ!