ނަޝީދަށް ހަމަލާދޭން ބޮން ގޮއްވާލި ސަރަހައްދު ހުޅުވައިލައިފި
މި މަހުގެ 6 ވީ ބުރާސްފަތި ދުވަހުގެ ރޭ، ރައީސް ނަޝީދުގެ ގެކޮޅު ކައިރީގައި ބޮން ގޮއްވާލި ސަރަހައްދު ބަންދު ކޮށްފައި ބެހެއްޓުމަށް ފަހު ހުޅުވައިލައިފިއެވެ.
މިހާރު ކުރިއަށްދާ ނޫސްވެރިންގެ ބައްދަލު ވުމުގައި ވާހަކަ ދައްކަވަމުން ފުލުހުން ވިދާޅުވީ ސީން ހިނގި ސަރަހައްދު މިހާރު އާންމުންނަށް ހުޅުވައިލައިފައި ވަނީ، އެތަނުން ނަގަންޖެހޭ ސާމްޕަލްތައް ނެގުމަށް ފަހުގައި ކަމަށެވެ. އަދި މައްސަލައިގެ ތަހުގީގު އަދިވެސް ކުރިއަށް ދާ ކަމަށް ވެސް ފުލުހުން ވިދާޅުވިއެވެ.
މި މައްސަލައާ ގުޅިގެން ތިން މީހަކު ވަނީ ހައްޔަރު ކޮށްފައެވެ. އަދި މި ތިން މީހުންގެ މައްޗަށް ވެސް ކުރަނީ ޓެރަރިޒަމްގެ ތުހުމަތެވެ. ގާޒީ އާދަމް މުހައްމަދު ނެރުއްވި އެ އަމުރުގައި ވާ ގޮތުން ފުލުހުން ހުށަހެޅި ހެކިތަކަށް ބަލާއިރު އެމީހުންގެ މައްޗަށް ތުހުމަތެއް ކުރެވޭ ވަރަށް ހެކި އެބަހުއްޓެވެ.
މި ތިން މީހުންނަކީ ވެސް ކުށުގެ ރިކޯޑް އޮތް ބައެއް ކަމަށާއި، އެގޮތުން މި ތިން މީހުންގެ ތެރެއިން މުޖާޒް އާއި ތަހުމީންގެ އޮތީ ކޮންކަހަލަ ކުށުގެ ރިކޯޑެއް ކަމެއް ހާމަ ނުކުރާއިރު ރިޔާޒް ވިދާޅުވީ އަދުހަމްގެ އާންމު ކުށްތަކުގެ ރިކޯޑް އެބައޮތް ކަމަށް އެސިސްޓެންޓް ކޮމިޝަނަރ އޮފް ޕޮލިސް ރިޔާޒް ވަނީ ވިދާޅުވެފައެވެ.
Ads by STO
