21 އަހަރުގެ ޒުވާން އަންހެނެއް ގެއްލިގެން ހޯދަން ފަށައިފި

21 އަހަރުގެ އަންހެނަކު ގެއްލިގެން ހޯދަން ފަށައިފިއެވެ.

Ads by STELCO

ގެއްލިގެން ހޯދަމުން ދަނީ މ. ގޯބިލިގަސްދޮށުގެ، އާމިނަތު ހުމައިނާ ޒަކަރިއްޔާއެވެ.

މި އަންހެން މީހާ ގެއްލިގެން ހޯދަމުންދާ ކަމަށް ފުލުހުން ވަނީ ޓުވީޓުކޮށް އާންމުންގެ އެހީތެރިކަމަށް އެދިފައެވެ. އެގޮތުން ފުލުހުން ކުރި ޓުވީޓުވައި ބުނެފައި ވަނީ، ހުމައިނާއަކީ މިދިޔަ ހޯމަ ދުވަހުގެ މެންދުރު 12:15 އިން ފެށިގެން ގެއްލިފައިވާ އަންހެނެއް ކަމަށެވެ.

މީގެ އިތުރުން، އޭނާ އެންމެ ފަހުން ފެނުނު އިރު ލައިގެން ހުރީ ހުދު ކުލައިގެ ހެދުމަކާއި ކަޅު ކުލައިގެ ޖިންސެއް ކަމުގައި ވެސް ފުލުހުންގެ ޓުވީޓުގައި ބުނެފައިވެއެވެ.

މި އަންހެން މީހާއާ ގުޅޭ އެއްވެސް މައުލޫމާތެއް ލިބިފައިވާނަމަ ލަސްނުކޮށް 3322111 ނުވަތަ 9631696 އަށް ގުޅައި މައުލޫމާތު ހިއްސާ ކުރުމަށް ފުލުހުން ވަނީ އެދިފައެވެ.