ވީއައިއޭގެ ސެކިއުރިޓީ ވަރުގަދަ ކުރީ ލިބުނު މައުލޫމާތަކާ ގުޅިގެން: އެމްއެންޑީއެފް

ވެލާނާ އިންޓަރނޭޝަނަލް އެއަރޕޯޓްގެ ސެކިއުރިޓީ ވަރުގަދަ ކުރީ ލިބުނު މައުލޫމާތަކާ ގުޅިގެން ކަމަށް އެމްއެންޑީއެފްއިން ވިދާޅުވެއްޖެއެވެ.

Ads by Sosun Fihaara

އެމްއެންޑީއެފްގެ އިސް ތަރުޖަމާން މޭޖާ އިބްރާހިމް އާޒިމް މިކަން ކަށަވަރު ކޮށްދެއްވި ނަމަވެސް ވީއައިއޭގެ ސެކިއުރިޓީ ވަރުގަދަ ކުރީ ކޮން ސަބަބަކާ ގުޅިގެން ކަމެއް އަދި އެކަމާ ބެހޭ އެއްވެސް އިތުރު މައުލޫމާތެއް ނުދެއްވައެވެ.

ރައްޔިތުން މަޖިލީހުގެ ރައީސް، މުހައްމަދު ނަޝީދަށް އަމާޒުކޮށް ދިން ހަމަލާއަށް ފަހު މުޅި ރާއްޖޭގެ ސެކިއުރިޓީ ލެވެލް މަނީ މަތިކޮށްފައެވެ. އެގޮތުން ދައުލަތުގެ މުހިންމު އިދާރާތަކާއި ވެރީންގެ ގެކޮޅުތަކުގެ ސެކިއުރިޓީ ވެސް މިވަގުތު ބަލަހައްޓަމުން ގެންދަނީ ހަތިޔާރު އެޅި ސިފައިންނެވެ.