ކޮވިޑް-19އަށް ފައްސިވީ އަދަދު މިއަދު ހާހަކަށްވުރެ މަތި
ކޮވިޑް-19 އަށް ފައްސިވީ އަދަދުތައް މިއަދު އަނެއްކާ ވެސް 1000އަށް ވުރެ މަތިވެއްޖެ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފިއެވެ.
އެޗްޕީއޭގެ ތަފާސް ހިސާބުތަކުން ދައްކާ ގޮތުގައި އިތުރު 1،433 މީހުން ވަނީ ކޮވިޑް-19 އަށް ފައްސި ވެފައެވެ. އޭގެތެރެއިން 594 މީހުންނަކީ އިއްޔެގެ އިރުއޮއްސި 6:00 އިން މިއަދުގެ އިރުއޮއްސި 6:00 އަށް ނެގިފައިވާ ސާމްޕަލްތަކުގެ ނަތީޖާއިން ފައްސިވި މީހުންނެވެ.
މާލެއިން މިއަދު ފައްސިވެފައި ވަނީ 1،294 މީހުންނެވެ. އަދި އަތޮޅުތެރެއިން 134 މީހަކާއި ހިންގަމުން އަންނަ ރިސޯޓުތަކުން 5 މީހަކު ވެސް ފައްސި ވެފައިވާކަމަށް ހިސާބުތަކުން ދައްކައެވެ.
މިހާރު ރާއްޖެއިން ކޮވިޑް-19 އަށް ފައްސިވެފައި ވަނީ ޖުމްލަ 45،956 މީހުންނެވެ. އަދި 28،849 މީހުން ބަލިން ފަސޭހަ ވެފައިވެއެވެ.
ކޮވިޑް ބަލީގައި ރާއްޖެއިން މިހާތަނަށް ނިޔާވެފައި ވަނީ 101 މީހުންނެވެ. އަދި ހޮސްޕިޓަލުތަކުގައި މިވަގުތު 268 މީހުން މި ބައްޔަށް ފަރުވާ ހޯދަމުން އެބަދެއެވެ.
