މާލެ ފެހިކުރުމަށް "އެއްލައްކަ ގަސް" އިންދަނީ
މާލެއަކީ ފެހި ރަށަކަށް ހެދުމަށް ސިޓީ ކައުންސިލުން "އެއްލައްކަ ގަސް"ގެ ނަމުގައި ގަސް އިންދުމުގެ ޕްރޮގްރާމެއް ފަށަން ނިންމައިފިއެވެ.
މިރޭ ބޭއްވި ނޫސްވެރީންގެ ބައްދަލުވުމެއްގައި މޭޔަރު ޑރ.މުޙައްމަދު މުޢިއްޒު ވިދާޅުވީ މި ޕްރޮގްރާމްގައި ޖަމްޢިއްޔާ ޖަމާޢަތްތަކަށް ބައިވެރިވުމުގެ ފުރުސަތު އޮންނާނެ ކަމަށާއި ކުރިއަށް އޮތް ހަމަހުގެ ތެރޭގައި ގަސް ގެނައުމާއި މިކަމާ ގުޅުންހުރި ޕްލޭނިންގެ ހުރިހައި މަސައްކަތެއް ނިންމައި އަންނަ އަހަރުގެ އެއްވަނަ ދުވަހު ގަސް އިންދަން ފެށުމުގެ ޢަމަލީ މަސައްކަތް ފެށުމަށް ކައުންސިލުން ނިންމާފައިވާ ކަމަށެވެ.
މުޢިއްޒު ވިދާޅުވީ ފުރަތަމަ ކުރަން ނިންމާފައި އޮތް މަސައްކަތަކީ، މިކަމުގައި ބައިވެރިވާނެ ފަރާތްތައް ހޯދުމާއި، ސީއެސްއާރގެ ދަށުން ބައިވެރިވާނެ ބަޔަކު ހޯދުމާއި، ފަންނީ އެހީތެރިންގެ މަޝްވަރާއާ އެކު އިންދާނެ ގަސްތައް ހޯދުމާއި އިންދާނެ ދިމަދިމާ ހޯދުން ކަމަށެވެ. ޕްލޭނިންގެ މަސައްކަތް 6 މަސް ދުވަހުން ނިންމުމަށް އަމާޒުކޮށްފައިވާ ކަމަށާއި އަދި ގަސް އިންދުމުގެ ޕްރޮގްރާމް ރަސްމީކޮށް ފެށުމަށް ހަމަޖެހިފައި ވަނީ 2022 ވަނަ އަހަރުގައި ކަމަށް ވެސް މުޢިއްޒު ވިދާޅުވިއެވެ.
"އަމާޒަކީ، 2022 ވަނަ އަހަރުގެ ޖެނުއަރީ 1 ވަނަ ދުވަހަކީ މަޝްރޫޢު އަމަލީ ގޮތުން ފެށޭ، މާނައަކީ ގަސް އިންދަން ފެށޭ ދުވަސް ކަމުގައިވުން. އެދުވަހުން ފެށިގެން ބަރާބަރު 12 ތެރޭގައި މިމަޝްރޫޢު ނިންމާ 2023 އަންނައިރު މާލޭގައި ފެހިކަން ގަދަ 1 ލައްކަ ގަސް އިންދިފަ ހުރުން" މުޢިއްޒު ވިދާޅުވިއެވެ.
މުއިއްޒުވަރެއްނެތް…
ހައުސިންގ މިނިސްޓަރަކަށް ހުރެގެން ހުރިހާ ގަސްތައް ކެނޑީ.