ދެމައިންގެ ހާލު ވެސް ރަނގަޅު ، ދިމާވީ ދުވަހަކު ވެސް ހީކުރި ކަމެއް ނޫން: އަސްރާ
ފާއިތުވެ ދިޔަ 24 ގަޑިއިރަކީ އޭނާއަށާއި ތުއްތު ދަރިފުޅު ލޫތުއަށް އުނދަގޫ އިހްސާސްތަކެއް ކުރަން ޖެހުނު ވަގުތުތަކެއް ކަމަށާއި ކުރިމަތިވާނެ ކަމަށް ދުވަހަކު ވެސް ހީކޮށްފައި ނުވާ ކަންތައްތަކެއް ތަޖުރިބާ ކުރަން ޖެހުނު ކަމަށް ކެނދިކުޅުދޫ ދާއިރާގެ މެމްބަރު އަހުމަދު އީސާގެ ކުރީގެ އަނބިކަނބަލުން އަސްރާ ނަސީމް ވިދާޅުވެއްޖެއެވެ.
ނައިބު ރައީސް ފައިސަލް ނަސީމްގެ ކޮއްކޯފުޅު އަސްރާއާއިި އީސަގެ ކައިވެނި ރޫޅުނުތާ ދޮޅުއަހަރު ވެއްޖެ ކަމަށް "ދެން"އަށް މަޢުލޫމާތު ލިބިފައި ވެއެވެ.
އަސްރާ މިހެން ވިދާޅުވެފައި މިވަނީ ކުރީގެ ފިރިކަލުން އަހުމަދު އީސާ އަނބިކަނބަލުންނަށާއި ދަރިފުޅަށް އަނިޔާކުރި ކަމަށް ބުނާ މައްސަލައެއް ފެންމަތިވެފައިވާ ދަނޑިވަޅެއްގައެވެ. ގެވެށި އަނިޔާގެ މި މައްސަލަ މިހާރު ވަނީ ފުލުހަށް ހުށަހަޅައިފައެވެ.
ދެމައިންގެ ހާލު ވެސް މިހާރު ރަނގަޅު ކަމަށް ހާމަ ކުރައްވަމުން އަސްރާ ވަނީ އޭނާގެ ރައްޓެހިންނާއި ހެޔޮ އެދޭ ފަރާތްތަކުން ދިން ހިތްވަރަށް ޓަކައި އެ ފަރާތްތަކަށް ޝުކުރު އަދާކޮށްފައެވެ.
އީސަގެ މައްޗަށް ގެވެށި އަނިޔާގެ މައްސަލައެއް ކުރިމަތި މިވީ އެމްއެމްޕީއާރްސީގެ ޚިޔާނާތުގެ ރިޕޯޓް އާންމުކޮށް އެ ރިޕޯޓްގައި ވެސް އޭނާގެ ނަން ހިމެނިފައި ވަނިކޮށެވެ. އެ ކަމާ ގުޅިގެން އީސަ ވިދާޅުވީ ޚިޔާނާތުގައި ކުޑަ މިންވަރަކަށް ވެސް ބައިވެރިވެފައި ނުވާނެ ކަމަށާއި ނަމަވެސް އީސަގެ ހިއްސާ އޮންނަ ކުންފުންޏަކަށް ނައިބު ރައީސް އަހުމަދު އަދީބު ދޭން ޖެހޭ ފައިސާއަކާ ހަވާލުވި ކަމަށެވެ. އަހުމަދު އަދީބުގެ ފަރާތުން ފަސްލައްކަ ރުފިޔާ އީސައަށް ލިބުނު ކަމަށް ޚިޔާނާތުގެ ރިޕޯޓްގައި އޮތެވެ.
ކުށެއްނެތް މައުސޫމް ކުއްޖަކައް އަނިޔާކުރާކައް ނުޖެހޭ ދެމީހުންގެ މައްސަލައެއް އުޅެންޔާ ހައްލު ކުރވެންޖެހޭނެ