ކޮވިޑް ބަލީގައި އެމްޕީ އިކްރާމްގެ މަންމާފުޅު އަވަހާރަވެއްޖެ

ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަންގެ މަންމާފުޅު ކޮވިޑް ބަލީގައި އަވަހާރަވެއްޖެއެވެ.

Ads by STELCO

"ދެން" އަށް މައުލޫމާތު ދެއްވަމުން އިކްރާމް ވިދާޅުވީ، މަންމާފުޅު ހުޅުމާލެ ކޮވިޑް ފެސިލިޓީއަށް ގެންދެވުނީ މީގެ 16 ދުވަސް ކުރިން ކަމަށެވެ. އަދި އެކަމަނާ އަވަހާރަވީ ހުޅުމާލެ ފެސިލިޓީގައި ފަރުވާ ހޯއްދަވަމުން ގެންދަވަނިކޮށެވެ.

މިއާއެކު މިއީ ރާއްޖެއިން މިއަދު ކޮވިޑް ބަލީގައި ނިޔާވި އަށްވަނަ މީހާއެވެ. އަދި ރާއްޖެއިން މިހާތަނަށް މި ބަލީގައި ނިޔާވި 137 ވަނަ މީހާއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون