މިއަދުގެ 10 ވަނަ މަރު: އެޗްއެމްއެފްގައި އޮތް ޖަޕާން މީހެއް

ކޮވިޑް-19 ޖެހިގެން އިތުރު މީހަކު މަރުވެއްޖެއެވެ.

Ads by STELCO

އެޗްޕީއޭއިން ކުރި ޓުވީޓެއްގައި ބުނެފައިވަނީ މިރޭ 7:53 ގައި ހުޅުމާލެ ކޮވިޑް ފެސިލިޓީގައި އެނދުމަތި ކުރެވުނު 86 އަހަރުގެ ޖަޕާން މީހެއް މަރުވެފައިވާ ކަމަށެވެ.

މިއާއެކު މިއީ މިއަދު ރާއްޖެއިން ކޮވިޑް-19 ޖެހިގެން މަރުވި 10 މީހާއެވެ. އަދި މި ބަލީގައި މުޅި ރާއްޖެއިން މިހާތަނަށް މަރުވި 139 ވަނަ މިހާއެވެ.

ފަހަކަށް އައިސް ރާއްޖެއިން ކޮވިޑް-19 ޖެހޭ މީހުންގެ އަދަދު އަންނަނީ ދުވަހެއް ދުވަހަކަށް އިތުރު ވަމުންނެވެ. އަދި މި ބަލީގައި ނިޔާވާ މީހުންގެ އަދަދު ވެެސް އަންނަނީ ދުވަހެއް ދުވަހަކަށް އިތުރު ވަމުންނެވެ. އެގޮތުން މިއަދު އެކަނި ވެސް 10 މީހުން ކޮވިޑް ޖެހިގެން މަރުވެފައިވާ އިރު މިއަދަކީ މި ބަލީގައި އެންމެ ގިނަ މީހުން މަރުވި ދުވަހެވެ.