ކޮވިޑްގައި އިތުރު 2 މަރު: ޖުމްލަ އަދަދު 144އަށް
ކޮވިޑް-19 ޖެހިގެން ރާއްޖެއިން އިތުރު 2 މީހުން ނިޔާވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ވިދާޅުވީ ހުޅުމާލެ މެޑިކަލް ފެސިލިޓީގައި ކޮވިޑް-19އަށް ފަރުވާ ހޯދަމުން ދިޔަ އުމުރުން 66 އަހަރުގެ ފިރިހެނަކާއި، 89 އަހަރުގެ ފިރިހެނެއް ނިޔާވެފައިވާ ކަމަށެވެ.
66 އަހަރުގެ ފިރިހެން މީހާ ނިޔާވިކަމަށް ކަނޑައަޅައިފައި ވަނީ ރޭ ދަންވަރު 01:01 ގައެވެ. އަދި 89 އަހަރުގެ ފިރިހެން މީހާ ނިޔާވެފައި ވަނީ މިއަދު ހެނދުނު 07:40 ގައެވެ.
މި ދެމީހުންނާ އެކު ރާއްޖެއިން ކޮވިޑް ޖެހިގެން ނިޔާވި މީހުންގެ ޖުމްލަ އަދަދު ވަނީ 144އަށް އަރައިފައެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!
إِنَّا لِلّهِ وَإِنَّـا إِلَيْهِ رَاجِعُون
Ads by STO
