ދެވަނަ ފަހަރަށް ކޮވިޑް ޖެހިފައި ތިބި މީހުން ރާއްޖޭގައި ވެސް އެބަތިބި: ޑރ. މުޙައްމަދު ޢަލީ
ދެވަނަ ފަހަރަށް ކޮވިޑް19 ޖެހިފައި ތިބި މީހުން ރާއްޖޭގައި ވެސް އެބަތިބިކަމަށް އައިޖީއެމްއެޗްގެ އެތެރެހަށީގެ ޑޮކްޓަރު މުޙައްމަދު ޢަލީ ވިދާޅުވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ޓެގް ޓީމުގައި ވެސް ހިމެނި ވަޑަައިގަންނަވާ ޑރ. މުޙައްމަދު ޢަލީ ވިދާޅުވީ ކޮވިޑް-19 ޖެހި ގަދަވާ ފަހުން ދެވަނަ ފަހަރަށް ވެސް އެ ބަލި ޖެހެމުންދާ ކަމަށާއި އެކަމަށް ސަމާލުކަން ދިނުމަށް އެދޭ ކަމަށެވެ.
"އެހެން ނަމަވެސް މިވަގުތު ދަތި އެއީ ސީދާ ކިހާ އަދަދެއްގެ ބައެއްކަން ބުނަން" އޭނާ ވިދާޅުވިއެވެ.
ޑރ. މުޙައްމަދު ޢަލީ އިތުރަށް ވިދާޅުވީ ކޮވިޑް-19އަށް ދެވަނަ ފަހަރަށް ފައްސި ވަނީ ވަކި ސަބަބެއް ކުރިމަތިވެގެން ކަމަށް ވިދާޅުވާން އުނދަގޫ ކަމަށާއި ނަމަވެސް އެއީ ކޮވިޑްގެ އާ ވޭރިއަންޓެއް އުޅޭތީ ދިމާވާ ކަމަކަށް ވުން އެކަށީގެންވާ ކަމަށެވެ.
ކޮވިޑް-19 އަށް ދެވަނަ ފަހަރަށް ޕޮޒިޓިވްވާ މީހުން ދެނެގަންނަނީ ބައްޔަށް ޝައްކުވާ އަލާމަތްތައް ފެނުމުން ނޭފަތުން ނަގާ ސާމްޕަލާއި އެތެރެ ހަށީގެ އެކްސްރޭ ނަގައި އިތުރު ޓެސްޓްތައް ވެސް ހަދައިގެން ކަމަށް ޑރ. މުޙައްމަދު ޢަލީ ވިދާޅުވިއެވެ.
