އިނގިރޭސި ބޮޑުވަޒީރު ބޮރިސް ސިއްރުން ކައިވެނިފުޅު ބައްލަވައިގެންފި
އިނގިރޭސިވިލާތުގެ މިހާރުގެ ބޮޑުވަޒީރު ބޮރިންސް ޖޯންސަނާއި ލޯބިވެރިޔާ ކެރީ ސައިމަންޑްސް ސިއްރުން ކައިވެނިފުޅު ބައްލަވައިގެންފިކަމަށް ބޭރުގެ މީޑިއާ ރިޕޯޓްތައް ބުނަން ފަށައިފިއެވެ.
މީޑިއާ ރިޕޯޓްތަކުން ރިޕޯޓްކޮށްފައިވާ ގޮތުގައި އިއްޔެ ސިއްރުން ބޭއްވި މި ކައިވެނީގެ ހަފްލާގައި ބަައިވެރިވެފައި ވަނީ ހަމައެކަނި އާއިލީ ބޭފުޅުންނާއި ވަރަށް ގާތް އެކުވެރިންނެވެ. މިކަމާ ގުޅިގެން އިނގިރޭސިވިލާތުގެ ބޮޑުވަޒީރުގެ އޮފީސް، ޑޯނިން ސްޓްރީޓުން މިހާތަނަށް އެއްވެސް އެއްޗެއް ހާމަކޮށްފައެއް ނުވެއެވެ.
ދަ މެއިލްއިން ރިޕޯޓްކޮށްފައިވާ ގޮތުގައި މި ހަފްލާއަށް ދަޢުވަތު އަރުވާފައިވަނީ 30 މީހުންނަށެވެ. ކޮވިޑް-19 އާ ގުޅިގެން އިނގިރޭސިވިލާތުގައި އަޅައިފައިވާ ފިޔަވަޅުތަކުގެ ތެރޭގައި 30 މީހުންނަށް ވުރެ ގިނަ މީހުން އެއްނުވުން ހިމެނެއެވެ.
އުމުރުން 56 އަހަރުގެ ބޮރިސްއާއި 33 އަހަރުގެ ސައިމަންޑްސް މިދިޔަ އަހަރު ކައިވެނި ކުރައްވަން އުޅުއްވި ނަމަވެސް އެކަން ފަސްކުރަން ޖެހުނީ މިދިޔަ އަހަރު ކުރިމަތިލާން ޖެހުނު ކޮވިޑް-19 ގެ ބަލިމަޑުކަމާ ހެދިއެވެ.
އިނގިރޭސިވިލާތުގެ ބޮޑުވަޒީރުކަމާ 2018 ވަނަ އަހަރު ބޮރިސް ހަވާލުވަޑައިގަތުމުގެ ކުރިން ދެ ކައިވެންޏެއް ކުރެއްވިއެވެ. އަދި އެ ކައިވެނިން އެމަނިކުފާނަށް ހަތަރު ބޭފުޅުން ލިބިވަޑައިގެންފައިވެއެވެ. އެއީ ފިރިހެން ދެ ބޭފުޅުންނާއި ދެ ކަނބަލުންނެވެ.
އިއްޔެ ސައިމަންޑަސް ކުރައްވާފައި ވަނީ އެކަމަނާގެ އަލަތު ކައިވެންޏެވެ. ކައިވެނީގެ ކުރިން މިދިޔަ އަހަރު އޭޕްރީލް މަހު އެ ދެބޭފުޅުންނަށް ދަރިކަލަކު ވަނީ ލިބިވަޑައިގެންފައެވެ.
ޙަރާމް ދަރިއެއް ހޯދާފައިވާއިރުވެސް މާތް ބަހުރުވައިން މިފަދަ މީހުނަށް މުޚާތަބުކުރާކަށް ނުޖެހޭ!