ފައްސި ނަމްބަރު މިއަދު ވެސް 700އިން މަތީގައި

ރާއްޖެއިން މިއަދު ކޮވިޑް-19އަށް އިތުރު 704 މީހުން ފައްސި ވެއްޖެއެވެ.

Ads by STELCO

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިރޭ އާންމުކޮށްފައިވާ ތަފާސް ހިސާބުތަކުން ދައްކާ ގޮތުގައި މާލެއިން މިއަދު ފައްސިވީ 407 މީހުންނެވެ. އަދި އަތޮޅުތެރެއިން 271 މީހުންނާއި ހިންގަމުން އަންނަ ރިސޯޓުތަކުން 18 މީހަކު ކޮވިޑް-19އަށް ވަނީ ފައްސި ވެފައެވެ. މީގެ އިތުރުން ތަރައްޤީ ކުރަމުން އަންނަ ރަށްތަކުން 8 މީހަކު ވެސް މި ބައްޔަށް ވަނީ ފައްސި ވެފައެވެ.

ރާއްޖެއިން މިހާތަނަށް ފައްސި ވެފައި ވަނީ ޖުމްލަ 65،868 މީހުންނެވެ. ބަލިން ފަސޭހަ ވެފައިވަނީ 41،779 މީހުންނެވެ. މިއަދުގެ ހިސާބުތަކުން ދައްކާ ގޮތުގައި މިހާރު ރާއްޖެއިން ކޮވިޑް-19އަށް ފައްސިވި 171 މީހަކު ވަނީ މި ބަލީގައި ނިޔާވެފައެވެ.

ހޮސްޕިޓަލު ތަކުގައި މިވަގުތު ފަރުވާ ދެމުން ދަނީ 197 މީހުންނަށެވެ.