ނަތަންޔާހޫގެ އަނިޔާވެރި ވެރިކަން ނިމުމަކަށް
އިސްރާއީލުގެ އިދިކޮޅުން ސަރުކާރެއް އުފެއްދުމުގައި ކާމިޔާބު ހޯދައި ނަތަންޔާހޫގެ 12 އަހަރުވީ ދިގު އަދި އަނިޔާވެރި ވެރިކަން ނިމުކަށް ގެނެސްފިއެވެ.
އިދިކޮޅު ޕާޓީއަށް ކޯލިޝަނެއް ހެދުމަށް ދިން މުހުލަތުގެ ތެރޭގައި އިދިކޮޅު ހުރިހާ ޕާޓީއެއް ވަނީ އެއްގަލަކަށް އަރައި ސަރުކާރެއް އުފައްދައިފައެވެ. ސަރުކާރެއް އުފެއްދުމަށް ދިން މުހުލަތު ހަމަވާން 35 މިނެޓަށް ވެފައި އޮއްވާ، ސަރުކާރެއް އެކުލަވާލިކަން އިދިކޮޅުން، އެޤައުމުގެ ރައީސް ރެއުވެން ރިވްލިން ވަނީ އަންގައިފައެވެ.
އިސްރާއީލުން އެކުލަވައިލި ސަރުކާރުގައި 8 ޕާޓީއެއް ހިމެނެއެވެ. ސަރުކާރު ހިންގުމަށް ހަމަޖެހިފައި ވަނީ 2 ދައުރަކަށް ބަހައިލައިގެންނެވެ. މިގޮތުން ފުރަތަމަ ދެ އަހަރު ބޮޑުވަޒީރުކަން ކުރާނީ ޔަމިނާ ޕާޓީގެ ލީޑަރު ނަފްޓާލީ ބެނެޓްއެވެ. އެއަށްފަހު ދެން ވެރިކަން ފުރިހަމަ ކުރާނީ ޔައިރް ލިޕިޑްގެ ލީޑަރ ޔީޝް އަޓިޑްއެވެ. ޔީޝް އަޓިޑް ވެރިކަމާ ހަވާލުވާނީ 27 އޯގަސްޓް 2023 ގައެވެ.
އިސްރާއީލްގެ ސަރުކާރު ރަސްމީކޮށް ބަދަލު ކުރުމަށް ޤާނޫނު ހަދާ މަޖިލީހުން އަދި ވޯޓެއް ނަގަން ޖެހެއެވެ.
އިދިކޮޅު 8 ޕާޓީއަކީ ވިސްނުން ވަރަށް ތަފާތު ޕާޓީތަކެއްވި ނަމަވެސް، އެފަރާތްތަކުން ކޯލިޝަނެއް ހަދައިފައި ވަނީ ނަތަންޔާހޫ ވެރިކަމުން ދުރުކުރުމުގެ ގޮތުންނެވެ. އިސްރާއީލްގެ ޤާނޫން ހަދާ މަޖިލީހުގެ މެންބަރުން ހޮވުނު ޕާޓީތަކަކީ މިއީއެވެ.
- ޔީޝް އަޓިޑް - 17 ގޮނޑި
- ކަހޮލް ލަވަން - 8 ގޮނޑި
- އިސްރާއިލް ބީޓީނޫ - 7 ގޮނޑި
- ލޭބާރ - 7 ގޮނޑި
- ޔަމީނާ - 7 ގޮނޑި
- ނިއު ހޮޕް - 6 ގޮނޑި
- މެރެޓްޒް - 6 ގޮނޑި
- ރާމް - 4 ގޮނޑި
ސަރުކާރެއް ޤާއިމް ކުރުމަށް ބޭނުންވަނީ 120 މެންބަރުން ހިމެނޭ މިމަޖިލީހުގެ މެޖޯރިޓީ ކަމުގައިވާ 61 ވޯޓެވެ.
