ލާމު އަތޮޅުން މިއަދު އެއްވެސް މީހަކު ފައްސިއެއް ނުވޭ

ލާމު އަތޮޅުން މިއަދު އެއްވެސް މީހަކު ކޮވިޑް-19އަށް ފައްސިވެފައި ނުވާކަމަށް ލާމު ގަމު ރީޖަނަލް ހޮސްޕިޓަލުގެ ތަފާސް ހިސާބުތަކުން ދައްކައިފިއެވެ.

Ads by MWSC

އެ ހޮސްޕިޓަލުގެ ތަފާސް ހިސާބުތަކުން ދައްކައިގޮތުގައި މިހާރު އެ އަތޮޅުގައި ހަރަކާތްތެރި ވޭދަނަ (އެކްޓިވް ކޭސް) އެންމެ ގިނައީ އިސްދޫގައެވެ. އެގޮތުން އިސްދޫގައި ހަރަކާތްތެރި ވޭދަނައިގެ އަދަދަކީ 56އެވެ. މާވަށުގައި 55 ހަރަކާތްތެރި ވޭދަނަ އުޅޭއިރު އެ އަތޮޅު ގަމުގައި ހަރަކާތްތެރި ވޭދަނައިގެ އަދަދަކީ 40އެވެ.އަދި ހަތަރުވަނައަށް ހަރަކާތްތެރި ވޭދަނަ އެ އަތޮޅުގައި އެންމެ ގިނައީ ކަލައިދޫގައެވެ. ކަލައިދޫގައި ހަރަކާތްތެރި ވޭދަނައިގެ އަދަދަކީ 32އެވެ.

ފޮނަދޫގައި ހަރަކާތްތެރި ވޭދަނައިގެ އަދަދު 09ގައި އުޅޭއިރު ހިތަދޫގައި އަދަދު އުޅެނީ 05ގައެވެ. އަދިި މާމެންދޫގައި ހަރަކާތްތެރި ވޭދަނައިގެ އަދަދަކީ 02އެވެ. މާންދޫގައި އެންމެ ވޭދަނައެކެވެ.

މާބައިދޫ، ދަނބިދޫ އަދި ކުނަހަންދޫގައި އެއްވެސް ހަރަކާތްތެރި ވޭދަނައެއް ނެތެވެ.

ލާމު އަތޮޅުން އެންމެ ގިނަ މީހުން ކޮވިޑަށް ފައްސިވީ ގަމުންނެވެ. އެގޮތުން ގަމުން 322 މީހަކު ފައްސިވިއެވެ. އަދި މާންދޫން 314 މީހަކު ފައްސިވީއިރު އިސްދޫން 244 މީހަކާއި މާވަށުން 275 މީހަކު ފައްސިވިއެވެ.

ލާމު އަތޮޅުން މިހާތަނަށް ޖުމުލަ 6 މީހަކު ވަނީ ކޮވިޑްގައި ނިޔާވެފައެވެ.