ބޮން ހަދާ ގޮތް ސޯޝަލް މީޑިއާގައި ޕޯސްޓް ކުރި މީހަކު އޮސްޓްރޭލިއާއިން ހައްޔަރު ކޮށްފި
ހައްދު ފަހަނަ އަޅައިފައިވާ އައިސްއެއްއާ ގުޅުން ހުރި މީހެއް ކަމަށް ޝައްކު ކުރެވޭ ސިޑްނީގެ މީހަކު އޮސްޓްރޭލިއާއިން ހައްޔަރުކޮށްފިއެވެ.
އޮސްޓްރޭލިއާގެ ފުލުހުން ބުނެފައި ވަނީ އޭނާ ހައްޔަރުކޮށްފައި ވަނީ ބޮން ހަދާ ގޮތް މީސްމީޑިއާގައި ޕޯސްޓް ކުރުމާ ގުޅިގެން ފުލުހުން އޭނާ އުޅޭގެ ބަލާ ފާސް ކުރުމުގެ ތެރޭގައި ބޮން ހެދުމަށް ބޭނުން ކުރާ އާލާތްތަކެއް ފެނުމުންނެވެ. އަދި އޭނާއަކީ އައިއެސް ޖަމާއަތާ ގުޅުން ހުރި މީހެއްކަން އެމީހާގެ ގެއިން ފެނުނު ލިޔުންތަކުން އެނގޭކަމަށް ވެސް އޮސްޓްރޭލިއާގެ ފުލުހުން ބުނެފައިވެއެވެ.
އޮސްޓްރޭލިއާގެ ފުލުހުންނާއި ސިޑްނީގެ ފުުލުހުން އެކުވެ ހިންގި މި ތަހްޤީޤުން ހާމަވާ ގޮތުގައި 24 އަހަރުގެ މިމީހާގެ މިހާތަނަށް ޓެރެރިސްޓް އަމަލެއް ހިންގައިފައެއް ނުވެއެވެ. އެހެން ނަމަވެސް އެފަދަ ކަމެއް ރާވައި ހިންގާނެ އުކުޅުތައް މި މީހާއަށް އެނގޭ ކަމަށާއި މި މީހާއަކީ އެ ދެ ޤައުމުގެ ވެސް ސަލާމަތަށް ނުރައްކަލެއް ކަމަށް ބުނެފައިވެއެވެ.
ފުލުހުން ހައްޔަރު ކުރި މީހާގެ ނަން ހާމަކޮށްފައެއް ނުވެއެވެ. އެހެން ނަމަވެސް މި މީހާއާ ގުޅޭ ފަރާތްތައް ތަހްޤީޤް ކުރެވިފައިވާ ކަމަށް އޮސްޓްރޭލިއާގެ ފުލުހުން ބުނެއެވެ. މިމީހާގެ މައްޗަށް އުފުލައިފައި ވަނީ ޓެރެރިސްޓް ޖަމާއަތަކާ ގުޅުން ބޭއްވި ކަމުގެ ކުށުގެ ދަޢުވާއެވެ. މިދަޢުވާ ސާބިތު ވެއްޖެނަމަ އޭނާގެ މައްޗަށް 10 އަހަރުގެ ޖަލު ހުކުމެއް އަންނާނެއެވެ.
އޮސްޓްރޭލިއާގެ ކައުންޓާރ ޓެރެރިޒަލްގެ އިސްވެރިޔާ ސްޓެފެން ޑަމެޓޯ އެ ޤައުމުގެ މީޑިއާތަކާ ވާހަކަ ދައްކަމުން ބުނެފައި ވަނީ، މި މީހާގެ އަމަލަކީ އިސްލާމް ދީން ދަސްކޮށްދޭ ގޮތް ނޫން ކަމަށާއި ތަންތަން ގޮއްވުމާއި އެކަން ރޭވުމަކީ ޓެރެރިސްޓް އަމަލެއް ކަމަށެވެ. އަދި މިކަން ކުރާ މީހުނަށް އަދަބު ލިބޭނެ ކަމަށް ވެސް އޭނާ ބުންޏެވެ.
ބޮން ހަދާ ގޮތް ޕޯސްޓް ކުރުމާއެކު ފޭސްބުކްއިން ވަނީ މިކަން އޮސްޓްރޭލިއާގެ ފުލުހުންގެ އިދާރާއާ ހިއްސާކޮށް އެ ޕޯސްޓް ވަގުތުން ރިވޫމްކޮށްފައެވެ.
