ކޮވިޑް-19އަށް ރާއްޖެއިން މިއަދު ފައްސިވީ އަދަދުތައް އިއްޔެއަށްވުރެ މަދު

ރާއްޖެއިން މިއަދު އިތުރު 212 މީހުން ކޮވިޑް-19އަށް ފައްސި ވެެއްޖެއެވެ.

Ads by Hajj Corporation

ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައި ގޮތުގައި މިއަދު މާލެއިން ފައްސިވީ 52 މީހުންނެވެ. އަތޮޅުތެރެއިން މި ބައްޔަށް ފައްސިވީ 157 މީހުންނެވެ. އަދި ހިންގަމުން އަންނަ ރިސޯޓުތަކުން ފައްސިވީ 2 މީހަކާއި އިންޑަސްޓްރިއަލް ރަށްރަށުން އެކަކު މި ބައްޔަށް ފައްސި ވެފައިވާ ކަމަށް ވެސް ހިސާބުތަކުން ދައްކައެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 72،678 މީހުންނެވެ.

ބަލިން ފަސޭހަވެފައި ވަނީ 68،197 މީހުންނެވެ. އަދި މި ބަލީގައި ރާއްޖެއިން މިހާތަނަށް 210 މީހުން ނިޔާވެފައިވެއެވެ.