މިހާރު ވެސް އިންސާފަށް އެދި ރައްޔިތުން ކުރާ އާދޭސް ގިނަ: ނިހާދު
އެކި ކަންކަމުގައި އިންސާފަށް އެދި ރައްޔިތުން ކުރާ އާދޭސް ގިނަ ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
ނިހާދު ކުރެއްވި ޓްވީޓެއްގައި ވިދާޅުވީ ވަޒީފާއިން ވަކިކުރި މައްސަލައެއް ބަލަން 1 އަހަރާއި 3 އަހަރާ ދެމެދުގެ މުއްދަތެއް ނެގުމަކީ އިންސާފެއް ނޫން ކަމަށާއި ޓްރެބިއުނަލް، އަދި ކޯޓުތަކަށް ހުށަހަޅަނީ އިންސާފު ލިބުމަށް އެދި ކަމަށެވެ. އަދި މިކަމުގައި ދެއްކޭނެ އުޒުރެއް އޮންނަން ޖެހޭނެ ކަމަށް ނުދެކޭ ކަމަށް ވެސް ނިހާދު ވިދާޅުވިއެވެ.
“ ޓްރެބިއުނަލް، އަދި ކޯޓުތަކަށް ހުށަހަޅަނީ އިންސާފު ލިބުމަށް އެދި! ވަޒީފާ އިން ވަކިކުރި މައްސަލައެއް ބަލަން 1 އަހަރާއި 3 އަހަރާ ދެމެދުގެ މުއްދަތެއް ނެގުމަކީ އިންސާފެއް ނޫން! ދެއްކޭނެ އުޒުރެއް އޮންނަން ޖެހޭނެ ކަމަށް ނުދެކެން! އިންސާފަށް އަދި ރައްޔިތުންކުރާ އާދޭސް ގިނަ” ނިހާދު ވިދާޅުވިއެވެ.
މީގެ އިތުރުން ނިހާދު ވިދާޅުވީ ސަރުކާރު ބަދުނާމު ކުރަން ނުތިބެ ގާނޫނީ ޒިންމާ އަދާކުރަން ޖެހޭ ކަމަށެވެ. އަދި މަރުތަކާއި ވައްކަމުގެ މައްސަލަތައް އަވަހަށް ނިންމައިދެއްވުމަށް ވެސް ނިހާދު ވަނީ އެދިވަޑައިގެންފައެވެ.
އިބުރާހީމް ވިދާޅުވި ވަޢުދުވި ވެރިކަމަށް ވަޑައިގެން މިރާއްޖޭގާ ޢަދުލު އިންޞާފް ޤާއިމްކޮށްދެއްވާނަމޭ އަދިވެސް ވެރިކަމަށް ވަޑައިނުގެންނެވެނީތޯއްޗެއް!!