އަލީ ވަހީދުގެ ޕާސްޕޯޓު ހިފަހައްޓަން ކްރިމިނަލް ކޯޓުން އަމުރެއް ނުދިން
ޖިންސީ ގޯނާގެ ކުރި ކަމުގެ ތުހުމަތު އުފުލިފައިވާ ކުރީގެ ޓޫރިޒަމް މިނިސްޓަރު އަލީ ވަހީދުގެ ޕާސްޕޯޓު ހިފަހައްޓަން ކްރިމިނަލް ކޯޓުން އަމުރެއް ނުދެއްވި ކަމަށް ޕްރޮސެކިއުޓާ ޖެނެރަލް ޙުސެއިން ޝަމީމް ވިދާޅުވެއްޖެއެވެ.
އަލީ ވަހީދުގެ ޕާސްޕޯޓް ހިފެހެއްޓުމުގެ އަމުރަކަށް ފުލުހުން މެދުވެރިކޮށް ދައުލަތުން އެދުނީ މިދިޔަ މަހުގެ 23 ވަނަ ދުވަހުއެވެ.
ޕީޖީ ޝަމީމް މިއަދު ވިދާޅުވީ އަލީ ވަހީދުގެ ޕާސްޕާޓު ހިފަހައްޓާނެ އަމުރެއް ދެވެން ނެތް ކަމަށާއި، ޕާސްޕޯޓު ހިފަހައްޓަންވީ މަޤްސަދެއް ވެސް ނެތް ކަމަށް ކްރިމިނަލް ކޯޓުގެ ޤާޒީ ހަސަން ސައީދު ވިދާޅުވި ކަމަށެވެ.
"މި މައްސަލަ އަޅުގަނޑުމެން ހައިކޯޓަށް ހުށަހަޅާނަން. އަޅުގަނޑު މި ދަންނަވަނީ މީނައަކީ ފިލައިގެން އުޅޭ މީހެކޭ. ހައިކޯޓަށް ވެސް ނުފެނިފައި ހުރި މީހެކޭ. ކްރިމިނަލް ކޯޓަށް ނުފެނިފަ ހުރި މީހެކޭ އަދި ސުޕްރީމް ކޯޓަށް ވެސް ނުފެނި އުޅުނު މީހެއް ކަމަށް ލިޔެކިޔުންތަކުން ފެންނަން އެބަ އޮތޭ." ޕީޖީ ޝަމީމް ވިދާޅުވިއެވެ.
ޕީޖީ އިތުރަށް ވިދާޅުވީ، އެހެންކަމުން އަލީ ވަހީދުގެ ޕާސްޕޯޓު ހިފަހައްޓަން ޖެހޭ ސަބަބު އޮތް ކަމަށް ދެކޭ ކަމަށެވެ.
ންް
އާދައިގެ ދިވެހި ރައްޔިތުން ހިފާކުޑަ ގޮޅިތަކައް އެޅޭއިރު މިކަހަލަ ސިޔާސީ މީހުން ހިފާ ހައްޔަރު ނުކުރެވުނު. މުޅި ގައުމުވެގެން ވެސް މީނަ ހިފައްޓާ ނުލެވުނު ދޯ. ކޮންފަދަބޮޑު ޖޯކެއް .