ލަވައާ އެކު އީދު ފާހަގަ ކުރުމުން ސަރުކާރުން ހަރުކަށި ފިކުރަށް ތާޢީދު ނުކުރާކަން ހާމަވެގެންދޭ: ރޮޒައިނާ
ކޮންމެ ޤައުމެއްގައި ވެސް ހަރުކަށި ފިކުރުގެ މީހުން އުޅޭނެ ކަމަށާއި ނަމަވެސް ދިވެހިރާއްޖެއަކީ ހަރުކަށި ޤައުމެއްގެ ގޮތުގައި ސިފަ ކުރުމަކީ ރަނގަޅު ގޮތެއް ނޫން ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.
ރޮޒައިނާ މިއަދު ކުރެއްވި ޓްވީޓެއްގައި ވިދާޅުވީ، ރާއްޖޭގެ ސަރުކާރުން ހަރުކަށި ފިކުރަށް ތާޢީދު ނުކުރާނެ ކަމަށާއި ކުރާ ކަމަށް ބުނެ ވާހަކަ ފެތުރުމަކީ ދެރަ ކަމެއް ކަމަށެވެ. އަދި މި ހިނގާ އަޟްޙާ އީދު ލަވައާއި ދިވެހިންގެ ޘަޤާފަތަތްކާ އެކު ކުރިޔަށް ދިއުމަކީ ދިވެހި ސަރުކާރުން ހަރުކަށި ފިކުރަށް ތާޢީދު ނުކުރާކަން ހާމަވާ ކަމެއް ކަމަށް ވެސް ރޮޒައިނާ ވިދާޅުވިއެވެ. ރޮޒައިނާ މިހެން ވިދާޅުވެފައި ވަނީ، ރަށެއްގައި ބެރު ޖަހަމުން އަންހެނުންތަކެއް ނަށަމުންދާ ވީޑިއޯއެއް ޓްވީޓެއް ކުރައްވަމުންނެވެ.
ރައީސް ނަޝީދަށް ދެވުނު ހަމަލާއާ ގުޅިގެންނާއި، ނަފްރަތުގެ ބިލާ ގުޅިގެން ރައީސް ނަޝީދު ގެންދަވަނީ ސަރުކާރަށާއި، ރައީސް ޞާލިހަށް ބަހުގެ ހަމަލާތަކެއް އަމާޒު ކުރައްވަމުންނެވެ. މީގެ އިތުރުން ރައީސް ޞާލިޙާއެކު ސިޔާސީ މަސައްކަތް ނުކުރެއްވޭނެ ކަމަށް ރައީސް ނަޝީދު ވިދާޅުވެފައިވާއިރު، ހަރުކަށީ ފިކުރާ ދެކޮޅަށް އިދިކޮޅު ޕީޕީއެމްއާ އެކު މަސައްކަތް ކުރައްވަން ތައްޔާރަށް ހުންނެވި ކަމަށް ވެސް ނަޝީދު ވަނީ ވިދާޅުވެފައެވެ.
މިކަމާ ގުޅިގެން ރައީސް ޞާލީހް މިހާތަނަށް އެއްޗެއް ވިދާޅުވެފައި ނުވި ނަމަވެސް އެ މަނިކުފާނުގެ ދިފާޢުގައި ރައްޔިތުންގެ މަޖިލީހުގެ ގިނަ މެމްބަރުން ވާހަކަ ދައްކަވައެވެ. މިގޮތުން ސަރުކާރު ދިފާޢު ކުރައްވަން ޖެހޭނެ ކަމަށް ވިދާޅުވުމުން ރައީސް ނަޝީދަށް ތާޢީދު ކުރައްވާ ބޭފުޅުންގެ ބަހުގެ ހަމަލާތައް އަސްލަމަށް ވަނީ އަމާޒުވެފައެވެ.
މޮޅު. ލަވަޔާއި މިއިޒިކު ހުއްދަކުރުމާއި އެކުޅުމާއި، ބިރެއްނެތި މަޖާކުރުމާއި، ބިރެއްނެތި ރިބާކެއުމާއި، ދީނަށް ފުރައްސާރަކުރުން ކުށްވެރިނުކުރުމާއި، މިބާވަތުގެ ކަންކަން ކުރާމީހުން ހަރުކައްޓެއްނުވާނެ.
ހަރުކަށި މީހުންނަކީ ލަވަޔާއި މިއުޒިކު ނުޖަހާ މީހުން. އެވަރިހަމަ އެއީ ޞާލިޙު އަޅަކަސް…
ޚަލެއަށް ފާހަގަ ކުރެވުނީ ހަރުކަށިކަން ނެތުން ކަމުގަ. އަހަންނަށް ފާހަގަ ކުރެވުނީ ދީނީ ޢިލްމުވެރިންގެ ނަސޭޙަތަށާ ދީނުގެ ޙުކުމްތަކަށް ގޮންޖެހުން ކަމުގަ. ދެނޯ!!!!