މޯލްޑިވްސް ނޭޝަނަލް ޕާޓީގެ ކައުންސިލަށް ކުރިމަތިލުމަށް ހުޅުވައިލައިފި
މިދިޔަ ޖުލައިމަހުގެ 15 ވަނަ ދުވަހު އުފެއްދުމުގެ މަސައްކަތް ކުރަން ހުއްދަ ދިން "މޯލްޑިވްސް ނޭޝަނަލް ޕާޓީ"ގެ ކައުންސިލަށް ކުރިމަތިލުމަށް ހުޅުވައިލައިފިއެވެ.
އެމްއެންޕީ އުފެއްދުމުގައި އިސްކޮށް ހަރަކާތްތެރިވި ރައްޔިތުންގެ މަޖިލީހުގެ ތިމަރަފުށީ ދާއިރާގެ މެމްބަރު އަބްދުﷲ ރިޔާޒް ކުރެއްވި ޓްވީޓެއްގައި އެ ފުރުސަތު ހުޅުވާލާ ވިދާޅުވީ އެޕާޓީގެ ސިޔާސަތުތައް ކަނޑައަޅާނީ ފާޓީގެ ކައުންސިލުން ކަމަށެވެ. އަދި ކައުންސިލް އިންތިހާބުގައި 87 ދާއިރާ އިން އިންތިހާބު ކުރާނެކަމަށް ވެސް ރިޔާޒް ވަނީ ވިދާޅުވެފައެވެ.
"އެމް.އެން.ޕީ ގެ ސިޔާސަތުތައް ކަނޑައަޅާނީ ޕާޓީގެ ކައުންސިލުން. ކައުންސިލްގައި އިންތިޚާބީ 87 ދާއިރާއިން އިންތިޚާބުކުރާ ދާއިރާގެ ރައީސުން ތިބޭނެ. މިކަމަށް ޝައުގުވެރިކަން ހުރިފަރާތްތަކުން އެމް.އެން.ޕީ އާއި ގުޅިވަޑައިގަތުމަށް ދަޢުވަތު އަރުވަން" އަބްދުﷲ ރިޔާޒްގެ ޓްވީޓްގައި ވިދާޅުވިއެވެ.
އެމްއެންޕީ އުފައްދަނީ ކުރިއަށް އޮތް ރިޔާސީ އިންތިހާބުގައި ވާދަކޮށް ކާމިޔާބު ހޯދުމަށް ކަމަށް އެ ޕާޓީގެ އެއް ފައުންޑާ އަދި ރައްޔިތުންގެ މަޖިލީހުގެ ދަނގެތި ދާއިރާގެ މެންބަރު މުހައްމަދު ނާޒިމް ވަނީ މީގެ ކުރިން ވިދާޅުވެފައެވެ. ރިޔާސީ އިންތިހާބުގައި ވާދަ ކުރައްވައި، އިންތިހާބު ކާމިޔާބު ކުރައްވާނެ ކަމަށް ވިދާޅުވި ނަމަވެސް، އެ ޕާޓީން އިންތިހާބަށް ނެރޭނެ ކެންޑިޑޭޓަކާ މެދު ނާޒިމް ވަކި އެއްޗެއް ވިދާޅުވެފައެއް ނުވެއެވެ.
Ads by STO
