ތިން ބާރު މަސްހުނިވެއްޖެ، އެކަން ކުރީ ރައްޔިތުން: ސިއްދީގު
ދިވެހި ދައުލަތުގެ ތިން ބާރު މި ވަނީ އެއްބާރަށްވެ މަސްހުނިވެފައި ކަމަށާއި އެކަން އެހެންވީ ރައްޔިތުންގެ އިހްމާލުންކަމަށް ހޯމް މިނިސްޓްރީގެ ނައިބްކަން ކުރިން ކުރައްވައިފައިވާ އަހުމަދު ސިއްދީގު ވިދާޅުވެއްޖެއެވެ.
ސަންގު ޓީވީގެ "ޚަބަރަށް ފަހު" ޕްރޮގްރާމްގައި ވާހަކަ ދައްކަވަމުން ސިއްދީގު ވިދާޅުވީ ދައުލަތުގެ 3 ބާރު މަސްހުނިވީ ރައްޔިތުންގެ އިހުމާލުންކަމަށާއި ރައްޔިތުން އެމްޑީޕީއަށް ރައްޔިތުންގެ މަޖިލީހާއި ސަރުކާރު ވެސް ދީފައިވަނީ ރުހުމުގައި ކަމަށެވެ. އަދި ދައުލަތް ހިންގުމުގެ ބާރާއި ގާނޫނޫ ހެދުމުގެ ބާރުން އަދުލު އިންސާފު ގާއިމު ކުރުމުގެ ބާރު "ކުޑަ ކަކޫ މައްޗަށް" ތިރިކޮށްފައިވާކަމަށް ވެސް ސިއްދީގު ވިދާޅުވިއެވެ.
"އެ ކީއްވެތޯ އަޅުގަނޑުމެންގެ އިހުމާލޭ މިދެންނެވީ. އަޅުގަނޑުމެން ރައްޔިތުން ނޫންތޯ އެމްޑީޕީއަށް 65 މެމްބަރުން ދިނީ. އަޅުގަނޑުމެން ރައްޔިތުން ނޫންތޯ އެމްޑީޕީއަށް ސަރުކާރު ދިނީ އަދި އެމީހުން ވަގަށް ނަގައިގެން އައި އެއްޗެއްކަމުގައި ވިޔަސް އެޔަށް ރުހިގެން ނޫންތޯ މި ތިބީ އެހެންވީމަ ދައުލަތުގެ 3 ބާރުގެ ތެރެއިން ދައުލަތް ހިންގުމުގެ ބާރާއި ގާނޫނު ހެދުމުގެ ބާރު އެއްބާރެއް ގޮތުގައި ދިނީ ރައްޔިތުންކަމުގައި ވާއިރު މި ދެ ބާރު އެކުވެގެން އަދުލު އިންސާފު ގާއިމު ކުރުމުގެ ބާރު މިއޮތީ ކުޑަކަކޫ މައްޗަށް ތިރި ކޮށްފައި" ސިއްދީގު ވިދާޅުވިއެވެ.
އޭނާ ވިދާޅުވީ މިއަދު ރާއްޖޭގައި އޮތީ ރައްޔިތުންގެ މަޖިލީސް އެކަނި ކަމަށާއި ރާއްޖޭގައި ދައުލަތް ހިންގުމުގެ ބާރު ރާއްޖޭގައި ނެތް ކަމަށާއި އަދުލު އިންސާފު ގާއިމު ކުރުމުގެ ބާރު ވެސް ރާއްޖޭގައި ނެތްކަމަށެވެެ. ރައްޔިތުންގެ މަޖިލީހުން ބޭނުންވާ ކަމެއް ކުރުމަށް ގާނޫނުތައް ހަދާކަމަށާއި އެގޮތުން ކުޑަކަމެއް ކޮށްލަން ވެސް އެތަށް ސޮފުހާއެއްގެ ގާނޫނު ހަދާކަމަށެވެ.
ސިއްދީގު ވިދާޅުވީ މިއަދު ރައްޔިތުންގެ މަޖިލީސް ފެނިގެން ދަނީ ވަކިވަކި ފަރުދުންނަށް އަނިޔާދޭން ގާނޫނު ހަދާ ތަނެއްގެ ގޮތުގައި ކަމަށާއި ވަކިވަކި ފަރުދުންގެ ސަހްސު ކަތިލުމަށް ގާނޫނު ހަދާ ތަނެއްގެ ގޮތުގައިކަމަށެވެ.
"މިއަދު ރައްޔިތުންގެ މަޖިލީސް ފެނިގެން މިދަނީ ކޮންކަމަކަށްތޯ އަޅުގަނޑުމެންނަށް ރައްޔިތުންގެ މަޖިލީސް ފެނިގެން މިދަނީ ވަކިވަކީ ފަރުދުންނަށް އަނިޔާ ކުރުމަށް ޓަކައި ގާނޫނު ހަދާ ބާރެއްގެ ގޮތުގައި ވަކިވަކި ފަރުދުންގެ ސަހްސު ކަތިލުމަށް ޓަކައި ގާނޫނު ހަދާ ބާރެއްގެ ގޮތުގައި ވަކިވަކި ކަންތައްތަކެއް ހާސިލް ކޮށް ވަކިބަޔަކަށް މަންފާ ހޯދުމަށް ގާނޫނު ހަދާ ބާރެއްގެ ގޮތުގައި ރައްޔިތުންގެ މަޖިލިސް އަޅުގަނޑުމެންނަށް ފެނިގެން މިދަނީ" ސިއްދީގު ވިދާޅުވިއެވެ.
މިރޭގެ ޕްރޮގްރާމްގައި ވާހަކަ ދައްކަވަމުން ސިއްދީގު ވިދާޅުވީ ރައްޔިތުންގެ މަޖިލީހަކީ ގާނޫނު ހެދުމުގެ ބާރަށް ވެފައި އެއީ ރައްޔިތުންގެ މެދުގައި ހަމަހަމަކަމާއި އަދުލުވެރިކަމާ އެކު އެންމެންގެ މައްޗަށް ހަމަހަމަ ކަމާއެކު އެ ގާނޫނު ތަދުބީރު ކުރެވޭ ގޮތުގެ މަތިން ގާނޫނު ހެދުމުގެ ބާރެއްކަމަށާއި އެބާރުގެ ބޭނުން ކުރަން ޖެހޭނީ އޭގެ އެންމެ ރަނގަޅު ގޮތުގައިކަމަށެވެ.
ތީ ސިޔާސީގޮތުން ތާކުން ތާކު ލައްވާނުލާ ހުރި ބޯނުގުނާ މީހެއް…. ހަބަރެއްގެ ސިފައިގައި ޖަހާތީ ހަމަ ކޮސްވޭ…..!!
މީދެން ކާކުތަ! ރައީސް ޔާމީނާއި އަދި ޕާޓީއަށް މީހުންގެ ނަފްރަތު އުފައްދާ ގޮތަށް ބަސްމަގު ގެންގުޅޭ ދެމީހުން ޕީޕީއެމްގައި ތިބޭނީ! ޢަދުރޭ ދެން މި ސިއްދީޤު. ޢަދީބުގެ 2 ބޮއީސް.
އަހަންނަކީ ވެސް ޕީޕީއެމް މީހެއް އެކަމަކު ވަރަށް ފޫހިވާ މީހެއްމީ! ބޮޑޭވާން ތިމަންނާގެ ނަމުގެ ކުރިޔަށް އުސްތާޒު ލާން ބުނި މީހާއެއްނު ތީ!
ކަލޭ ކިތަންމެ ފޫހިވިޔަސް ކުރާނެ ކަމެެއްނެތް.އެއަީ ހަމަ ” އަލްއުސްތާޒް އަހުމަދު ސިއްދީގް” ތިހެން ދެތިން ލަޓޯފަޓޯ އަކު ޖޭ ބޮކި ވިޔަސް ީއިރާދަކުރެއްވިއްޔާ ސިއްދީގް ގެ އިލްމާއި އަޒުމަށް ކުޑަކޮއްވެސް ގުޑުމެއްނާންނާނެ.