ނުހައްގުން އިންކަމް ސަޕޯޓު އެލަވަންސް ދީފައިވާ ނަމަ، އެ ފައިސާ ދައުލަތަށް ނަގަނީ
އިންކަމް ސަޕޯޓް އެލަވަންސް ދީފައިވާ ފަރާތްތަކުގެ ލިޔެކިޔުންތައް އަލުން ރިވިއުކޮށް، އެލަވަންސްއަށް ޝަރުތު ހަމަނުވާ ފަރާތްތަކަށް އެ އެލަވަންސް ދެވިފައިވާ ނަމަ އެ މީހުންގެ އަތުން އެ ފައިސާ އަނބުރާ ދައުލަތަށް ހޯދުމަށް އޮޑިޓާ ޖެނަރަލް(އޭޖީ) އޮފީހުގެ ފަރާތުން އިކޮނޮމިކް މިނިސްޓްރީއަށް އަންގައިފިއެވެ.
އެ އޮފީހުން މިއަދު އާންމުކުރި ކޮވިޑް-19އާ ގުޅިގެން ރާއްޖޭގެ އިޤްތިސާދަށް ކުރިމަތިވެފައިވާ ހީނަރުކަމުން އަރައިގަތުމަށް އާންމު ފަރުދުންނަށް ދައުލަތުން ފޯރުކޮށްދީފައިވާ އިންކަމް ސަޕޯޓް ސްކީމްގެ ޕަފޯމަންސް ބެލުމަށް ކުރި އޮޑިޓް ރިޕޯޓުގައި އެ އޮފީހުން އަންގައިފައި ވަނީ އެލަވަންސްއަށް ޝަރުތު ހަމަނުވާ ފަރާތްތަކަށް އެ އެލަވަންސް ދެވިފައިވާ ނަމަ އެމީހުންގެ އަތުން އެ ފައިސާ އަނބުރާ ދައުލަތަށް ހޯދުމަށެވެ.
އޮޑިޓު ރިޕޯޓުގައި ބަލައިފައި ވަނީ އިންކަމް ސަޕޯޓް ދިނުމަށް ކަމާ ގުޅޭ އިދާރާތަކުން ހަރުދަނާ އުސޫލުތަކެއް ގާއިމު ކޮށްފައިވޭތޯއާއި މި ސްކީމުގެ ސަބަބުން އިޤްތިސާދަށް ކުރާ އަސަރު ކުޑަކުރެވިފައި ވޭތޯއެވެ.
މީގެ އިތުރުން އިންކަމް ސަޕޯޓް އެލަވަންސަށް އެދޭ ފަރާތްތަކުން ހުށަހަޅާ ލިޔެކިޔުންތަކުގެ ސައްހަކަން ކަށަވަރު ކުރެވޭނެ ނިޒާމެއް ޤައުމީ ފެންވަރުގައި ގާއިމްކުރެވިފައި ނުވުމާއި އެ ފަރާތްތަކުން ހުށަހަޅާ ލިޔެކިޔުންތަކުގެ ސައްހަކަން ކަށަވަރުކުރުމުގައި އިކޮނޮމިކް މިނިސްޓްރީއަށް ދަތިތަކެއް ކުރިމަތިވެފައިވާކަން އެ ރިޕޯޓުގައި ހާމަވެފައިވެއެވެ. އެ ގޮތުން، 2020 ވަނަ އަހަރުގެ ޑިސެމްބަރު މަހުގެ ނިޔަލަށް އިކޮނޮމިކް މިނިސްޓްރީއާއި، މޯލްޑިވްސް ޕެންޝަން އެޑްމިނިސްޓްރޭޝަންގެ އޮފީހުގެ ސިސްޓަމްތަކާ ގުޅުވައިލެވިފައި ނުވުމުގެ ސަބަބުން އެ ސްކީމުގެ ފުރަތަމަ އަދި ދެވަނަ ފިޔަވަހީގައި އެލަވަންސަށް އެދޭ ފަރާތަށް އެހެން އާމްދަނީއެއް ލިބުނު ނަމަވެސް، އެކަން ދެނެގަނެވޭނެ އިންތިޒާމެއް ނެތެވެ.
އަދި، ނަގުދު ފައިސާއިން އާމްދަނީ ލިބޭ ފަރާތްތައް އެލަވަންސަށް އެދި ހުށަހެޅި ނަމަވެސް، އެކަން ކަށަވަރުކުރެވޭނެ ނިޒާމެއް މުޅި ދައުލަތުގެ ފެންވަރުގައި ވެސް ގާއިމް ކުރެވިފައި ނުވެއެވެ.
އަމިއްލަ އިނގިލީގައި ދަތް އަޅާވަރު ވަނީ.
މޮބާ މުވައްޒަފުގެ ބޮދުކުރި މުސާަަ މިނިސއތަރޫ؟؟؟..