ބުލީކުރުމުން ފެށުނު ލޯބި ކައިވެންޏާ ހަމައަށް!
ބޮލީވުޑްގެ "ނިއުލީ މެރިޑް ކަޕުލް" ރިއާ ކަޕޫރާއި އޭނާގެ ފިރިމީހާގެ ލޯބީގެ ވާހަކަތައް ސޯޝަލް މީޑިޔާގައި ފޭނުންނާއި ހިއްސާ ކޮށްފިއެވެ.
ކައިވެނި ޕާޓީގެ ބައެއް ފޮޓޯތަކާ އެކު ރިއާގެ ފިރިމީހާ ކަރަން ބޫލާނި އިންސްޓަރގްރާމްގައި ހިއްސާ ކުރި ފޮޓޯތަކާ އެކު ފޭނުންގެ ލޯބި ވަނީ އެ ފޮޓޯތަކަށް އޮއްސައިލައިފައެވެ.
ބޮލީވުޑްގެ ލެޖެންޑަރީ ތަރި އަނިލް ކަޕޫރުގެ ދަރި އަދި ފިލްމް ޕްރޮޑިއުސަރ ރިއާ ކަޕޫރުގެ ކައިވެނީގެ ހަފްލާއަށް ލަންޑަނުގައި ދިރިއުޅޭ އޭނާގެ ދައްތަ ސޯނަމް ކަޕޫރު ވެސް ވަނީ އިންޑިޔާއަށް އައިސްފައެވެ. ކައިވެނީގެ ހަފްލާގެ ފޮޓޯތަކުގައި ރިއާ ފެންނަނީ ހުދުކުލައިގެ ހެދުމެއްގައެވެ. މަޑު މަޑު މޭކަޕެއްގައި ހުރި ރިޔާގެ އިސްތަށިގަނޑުވަނީ ރީތި ގޮތަކަށް ދޫކޮށްލައިފައެވެ.
"ތެދު ވާހަކައެއް. އަހަރުމެން ދިމާވީ ފިލްމެއްގެ ސެޓުން ،އަހަރެން މަސައްކަތް ކުރިން އޭނައާ ބުލީ ކުރަން އެކަމަކު އާހިރުގަ ވެވުނީ ލޯބި" ފޮޓޯތަކުގެ ކެޕްޝަންގައި ކަރަން ލިޔެފައިވެއެވެ.
ކައިވެނީގެ މި ފޮޓޯތަކަށް ރިއާގެ ބައްޕަ އަދި ކާމިޔާބު ފަންނާނު އަނިލް ކަޕޫރު ވެސް ވަނީ ކޮމެންޓްކޮށްފައެވެ. އަދި ރިއާގެ ދެބެންގެ ދެދަރި ކުއްޖެއްކަމުގައިވާ އަންޝުލާ ކަޕޫރު ވެސް ވަނީ ކޮމެންޓްކޮށްފައެވެ.
Ads by STO
