އިލެކްޝަންސް ކޮމިޝަނަށް އާސިފް އައްޔަންކުރަން މަޖިލީހުން ރުހުން ދީފި
އިލެކްޝަން ކޮމިޝަން (އީސީ)ގެ މެމްބަރަކަށް މުހައްމަދު އާސިފް އައްޔަންކުރަން ރައްޔިތުންގެ މަޖިލީހުން މިއަދު ރުހުން ދީފިއެވެ.
އީސީއަށް އާސިފް އައްޔަންކުރަން ވޯޓު ދެއްވީ މަޖިލީހުގެ 50 މެންބަރުންނެވެ.
އީސީގެ މެންބަރަކަށް ހޮވުމަށް، ރައީސް އިބްރާހިމް މުޙައްމަދު ޞާލިޙު މަޖިލީހަށް ފޮނުއްވި 5 ބޭފުޅުންގެ ނަން ހިމެނޭ ލިސްޓުގައި އެންމެ ކުރީގައި ވެސް އޮތީ އާސިފްގެ ނަމެވެ. އާސިފްއަށް ހުރިހާ މެމްބަރުންގެ ވޯޓު ލިބުމާއެކު، މިނިވަން މުއައްސަސާތަކުގެ ކޮމިޓީން ވަނީ އެކަމުގެ ރިޕޯޓް ތައްޔާރުކޮށް، މަޖިލީހުގެ ތަޅުމަށް ބުދަ ދުވަހު ފޮނުވައިފައެވެ.
މީގެކުރިން ވެސް އީސީގައި މަސައްކަތް ކުރައްވައިފައިވާ އާސިފް ވަނީ ފިލްމީ ދާއިރާގައި ވެސް ޚިދުމަތް ކުރައްވައިފައެވެ.
އީސީގެ މެމްބަރުކަމުގެ މަގާމު ހުސްވީ އެ ކޮމިޝަނުގެ ރައީސްކަމުގައި ހުންނެވި އަހުމަދު ޝަރީފް މެމްބަރުކަމުން އިސްތިއުފާ ދެއްވުމާ ގުޅިގެންނެވެ.
