ރާއްޖެ އައީ ޑިފެންސް މިނިސްޓަރުކަމާ ހަވާލުވާން ދައުވަތު ދިނުމުން: އަލީ ވަހީދު
އިނގިރޭސިވިލާތުގައި ހުންނެވުމަށް ފަހު 2018ވަނަ އަހަރު ރާއްޖެ ވަޑައިގަތީ ޑިފެންސް މިނިސްޓަރުކަން ދެއްވާނެ ކަމަށް ރައީސް އިބްރާހީމް މުޙައްމަދު ޞާލިޙް ވިދާޅުވުމުން ކަމަށް ކުރީގެ ޓޫރިޒަމް މިނިސްޓަރ އަލީ ވަޙީދު ވިދާޅުވެއްޖެއެވެ.
އަލީ ވަހީދު މިހާރު ހުންނެވީ އިނގިރޭސި ވިލާތުގައެވެ. އޭނާ އެ ޤައުމަށް ވަޑައިގަތީ ޓޫރިޒަމް މިނިސްޓްރީގެ މުވައްޒަފުންތަކަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއްގައި ދައުވާ އުފުލައިފައި ވަނިކޮށް، ބޭސްފަރުވާއަށް ކަމަށް ބުނެއެވެ.
އިނގިރޭސިވިލާތުގައި ހުންނަވައިގެން ނޫސްވެރިންނާ ބައްދަލު ކުރައްވައި ވާހަކަ ދައްކަވަމުން އަލީ ވަހީދު ވިދާޅުވީ، އެމަނިކުފާނު ރާއްޖެއަށް ވަޑައިގަތީ، ޑިފެންސް މިނިސްޓަރުކަން ދެއްވާނެ ކަމަށް ވިދާޅުވުމުން ކަމަށެވެ. އަދި ޓޫރިޒަމް ދާއިރާއަކީ އެމަނިކުފާނަށް ވަރަށް އައު ދާއިރާއެއް ކަަމަށާއި ޓޫރިޒަމް މިނިސްޓަރަކަށް އޭނާ އައްޔަން ކުރާކަން އެނގުނީ ރައީސް ހުވާ ކުރެއްވި ދުވަހު ކަމަށެވެ.
އަލީ ވަހީދު އިތުރަށް ވިދާޅުވީ، ރައީސް ޞާލިޙް ރައީސްކަމަށް ހުވާ ކުރެއްވި ދުވަހު ވެސް ގަލޮޅުދަނޑަށް އެ މަނިކުފާނު ވަޑައިގެން އެންމެ ފުރަތަމަ އިންނަން ހަމަޖެހިފައިވީ އާންމުން އިށީނދެ އިން ގޮނޑިބަރީގައި ކަމަށެވެ. ނަމަވެސް ފަހުން ކެބިނެޓްގެ ބޭފުޅުން އިންނަވާ ގޮނޑިބަރިއަށް އެމަނިކުފާނު ބަދަލު ކުރެއްވި ކަމަށް ވިދާޅުވިއެވެ.
އިނގިރޭސިވިލާތުގައި ހައްޔަރު ކޮށްފައިވާ ކަމަށް ބުނެފައިވާ ކުރީގެ ޓޫރިޒަމް މިނިސްޓަރ ކުރިއަށް ގެންދާ ނޫސްވެރިންގެ ބައްދަލުވުމުގައި އިތުރަށް ވިދާޅުވީ، ކޮވިޑް-19ގެ އާލަމީ ވަބާގެ ދުވަސްވަރު ވެސް އެމަނިކުފާނު މަސައްކަތް ކުރެއްވީ ވަރަށް ބުރަކޮށް ކަމަށާއި ނަމަވެސް ޓޫރިޒަމް މިނިސްޓްރީގެ މުވައްޒަފުންތަކެއް ރައީސް ޞާލިޙް އަރިހަށް ވަޑައިގެން ކުރި އެ ޝަކުވާއާ ގުޅިގެން، މަސައްކަތާ ދުރަށް ޖެހިލުމަށް ރައީސް އެދިލެއްވި ކަމަށެވެ.
"އަޅުގަނޑަށް އެރޭ ރައީސް ގުޅުއްވި. ހީވަނީ އެއިރު ވެސް ހުރީ ކީރިތި ކުރައްވާފައިހެން، އަޑުގައި އެކަހަލަ ގޮތެއް ހުރި. ދެންނެވި އެމީހުން މިހެން ކިޔައިފިއޭ ތިމަންނާއަށް ފެންނަނީ އަލީ ވަހީދު އިހަށް މަސައްކަތާ ދުރަށް ޖެހިލާށޭ" އަލީ ވަހީދު ވިދާޅުވިއެވެ.
ރައީސްގެ ވާހަކަތަކާ ގުޅިގެން، އެމަނިކުފާނަށް ތުހުމަތު ކޮށްފައި އެވާ ކަންކަމަކީ ދޮގެއް ކަމަށް ވިދާޅުވި ކަމަށާއި އެހެން ކަމުން އިސްތިއުފާ ނުދެއްވާނެ ކަމަށް ރައީސް ޞާލިޙް އަރިހު ދެންނެވި ކަމަށް ވެސް އަލީ ވަހީދު ވިދާޅުވިއެވެ.
މަނިކުފާނު ތިވިދާޅުވަނީ ދައުވާއަކީ ސިޔާސީ އެއްވެސް އަސްލެއް ނެތް ދައުވާއެއް ކަމައް….! އެހެން ވީއިރު ބިރުފުޅުން ފިލާވަޑައިގަތީ ކީއްވެތޯ….؟
ހެޔޮނުވާނެ ދެކޮޅުޖެހޭ ޒާތުގެ މީހުންނައް ގަބޫލު ކުރެވޭޒާތުގެ ވާހަކައެއް ނިކަން ދައްކަބަލަ….
އަލީ ވަހީދުމެނަށް ހީވީ ލައްކައެކޭ އެކަމު ހާހެއްވެސްހަމަނުވޭ ދެންކީއްކުރާނީ <
ފޭހުނު އިލޮށި ލޮލަށް ދެން ރޮއެ ރޮއެ އޮވޭ . އެމީހުންވާ ރަނގަޅެއްނު މިނިސްޓަރ ކަންވެސް ދިންތާ<
ހަމަރަނގަޅަށް އެނގޭނެ އެއީ ކޮންކަހަލަ ކޮންބައެއްކަން………..