ނައިބު ރައީސް ފައިސަލް ނަސީމަށް ހޮސްޕިޓަލުގައި ފަރުވާ ދެނީ
ނައިބު ރައީސް ފައިސަލް ނަސީމަށް ދަރުމަވަންތަ ހޮސްޕިޓަލުގައި ފަރުވާ ދެމުން އެބަދެއެވެ.
މިކަން ޔަގީން ކޮށްދެއްވަމުން ރައީސް އޮފީހުގެ ތަރުޖަމާނު މަބްރޫކް ޢަބްދުލްޢަޒީޒް މިއަދު ކުރެއްވި ޓްވީޓެއްގައި ވިދާޅުވީ ނައިބު ރައީސްގެ ހާލުކޮޅު ދެރަ ވެގެން މިވަގުތު ދަރުމަވަންތަ ހޮސްޕިޓަލުގައި ފަރުވާ ދެމުންދާ ކަމަށެވެ.
ރައީސް އޮފީހުގެ ތަރުޖަމާނު އިތުރަށް ވިދާޅުވީ، ނައިބު ރައީސް ފައިސަލްގެ ހާލުކޮޅު އަންނަނީ ރަނގަޅު ވަމުން ކަމަށެވެ.
ނައިބު ރައީސްއަށް ހޮސްޕިޓަލުގައި ފަރުވާ ދެމުންދިޔަ ނަމަވެސް، އެމަނިކުފާނަށް ޖެހިވަޑައިގަތީ ކޮން އާލާސްކަންފުޅެއްކަން އަދި އެނގިފައެއް ނުވެއެވެ. ނަމަވެސް އެނގިފައިވާ ގޮތުގައި ނައިބު ރައީސް ހޮސްޕިޓަލުގައި އެޑްމިޓު ކުރައްވާފައި ވަނީ އިއްޔެގެ ވަގުތެއްގައެވެ.
މާތް ﷲ ނައިބު ރައީސް ފައިސަލް ނަސީމްއަށް އަވަސް ޝިފާއެއް މިންވަރު ކުރައްވާށިއެވެ. އާމީން!
