އިންސާފަށް ނަޒަރު ހިންގާ ފަނޑިޔާރުންގެ އަތަށް މައްސަލަދާ ކޮންމެ ފަހަރަކު ޙައްޤަށް ނަސްރު ލިބޭނެ: އަލީ ވަހީދު
އިންސާފަށް، ޤާނޫނަށް ނަޒަރު ހިންގާ ފަނޑިޔާރުންގެ އަތަށް މައްސަލަދާ ކޮންމެ ފަހަރަކު ޙައްޤަށް ނަސްރު ލިބޭނެ ކަމަށް ކުރީގެ ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެއެވެ.
ޖިންސީ ގޯނާއާއި ރޭޕް ކުރި ކަމުގެ ތުހުމަތު އުފުލިފައިވާ އަލީ ވަހީދު މިހެން ވިދާޅުވެފައި ވަނީ، އޭނާގެ ޕާސްޕޯޓު ހިފަހައްޓައި ދޭން ޕްރޮސެކިއުޓާ ޖެނެރަލް (ޕީޖީ) އޮފީހުން ދެވަނަ ފަހަރަށް އެދުމުން ވެސް އެކަން ހައި ކޯޓުން ކޮށްދީފައި ނުވުމުން މިއަދު ކުރެއްވު ޓްވީޓެއްގައެވެ.
"ފަނޑިޔާރުންނަށް ނުފޫޒު ފޯރުވަން ޕީޖީ ޝަމީމު ކުރާ ބޭއިންސާފުގެ ކުރިމަތީ ހުރިހައި ފަނޑިޔާރުން ކުޑަކަކޫ ނުޖަހާނެ. ޤާނޫނުގެ ދިގު އަތް އިރާދަފުޅުން އަނިޔާވެރިންނާ އަރާ ހަމަކުރާނެ!" އަލީ ވަހީދު ވިދާޅުވެފައިވެއެވެ.
މިދިޔަ ފެބްރުއަރީ މަހު ، ބޭސްފަރުވާއަށް އަލީ ވަހީދު ވަޑައިގަތްފަހުން، އެނބުރި ރާއްޖެއަށް ވަޑައެއް ނުގަންނަވައެވެ. އެހެންކަމުން އޭނާގެ ޕާސްޕޯޓް ހިފަހައްޓަން ދައުލަތުން އެދުމުން އެ އަމުރު ނެރެނުދޭން ހައި ކޯޓުން މިދިޔަ މަހު ވެސް ނިންމިއެވެ. އަދި އެފަދަ އަމުރެއް ހޯދަން ދައުލަތުން ދެވަނަ ފަހަރަށް ކްރިމިނަލް ކޯޓުގައި އެދުމުން އެ ކޯޓުން ވެސް އެ އަމުރު ނެރެނުދޭން ވަނީ ނިންމައިފައެވެ.
ކްރިމިނަލް ކޯޓުން ފަހުން ނިންމި ނިންމުން ދައުލަތުން އިސްތިއުނާފް ކުރުމުން، މިކަމާ ގުޅޭގޮތުން ހައި ކޯޓުން މިއަދު ކުރި ހުކުމުގައި ވަނީ ޖިނާއީ އިޖްރައާތުގެ ގާނޫނު އޮތްގޮތުން ޕާސްޕޯޓް ހިފެހެއްޓުމުގެ އަމުރު ނެރެދެވޭނީ އެ މީހަކު ރާއްޖެއިން ބޭރަށް ދިއުމުގެ ކުރިން ކަމަށެވެ.
އެ މީހަކު ރާއްޖެއިން ބޭރަށް ދިއުމަށް ފަހު އެ މީހެއްގެ ޕާސްޕޯޓް ހިފަހައްޓަން އަމުރު ނެރެ ނުދެވޭނެ ކަމަށާއި އެފަދަ އަމުރެއް ނެރެދެވޭނެ ހަމައެއް ދައުލަތަށް ދެއްކިފައި ނުވާ ކަމަށް ވެސް ހައިކޯޓުގެ އެ ހުކުމުގައި ބުނެފައިވެއެވެ.
"ދިވެހިިރާއްޖޭގައި ނެތް މީހެއް ރާއްޖެއިން ފުރުން މަނާކޮށް، ޕާސްޕޯޓް ނުވަތަ ޓްރެވަލް ޑޮކިއުމެންޓް ހިފެހެއްޓުމުގެ އަމުރެއް ޖިނާޢީ އިޖްރައާތުގެ ގާނޫނުގެ ދަށުން 75ވަނަ މާއްދާގެ ދަށުން މި ހާލަތުގައި ނެރެދެވޭނެ ތަނެއް އޮތް ކަމަކަށް ގަބޫލެއް ނުކުރެވެއެވެ." ހައި ކޯޓުން އެ މައްސަލަ ބެއްލެވި ބެންޗުގެ ރިޔާސަތު ބެލެހެއްޓެވި ފަނޑިޔާރު ހަސަން ޝަފީއު އިއްވެވި އެ ހުކުމުގައި ވެއެވެ.
އަލީ ވަހީދުގެ ޕާސްޕޯޓް ހިފެހެއްޓުމުގެ އަމުރު ކްރިމިނަލް ކޯޓުން ނެރެ ނުދިނީ ސުޕްރީމް ކޯޓުގެ ކުރީގެ ނިންމުމަކާ ޚިލާފަށް ކަމަށް ދައުލަތުން ބުންޏަސް، އެ މައްސަލައާއި އަލީ ވަހީދުގެ މައްސަލައިގައި ކަން ހިނގައިފައިވާ ގޮތް ތަފާތު ކަމަށް ވެސް އެ ހުކުމުގައި ވެއެވެ.
ހަމަތިޔައަލީވަހީދު އަނގައިންނޭބުނީ ކޯޓްތަކުން އިންސާފްނުލިބެނީ މިސަރުކާރުން ކޯޓްތަކަށް އަތްބާނާތީކަމަށް މިއަދު ތުޔަބުނަނީ އިންސާފް ވަރަށްރަނގަޅުކަމަށް އހެންނޫންތޯ