މާދަމާ މަޖިލިހުގެ ރިޔާސަތު ބަލަހައްޓަވާނީ ރައީސް ނަޝީދު
މާދަމާ އޮންނަ ރައްޔިތުންގެ މަޖިލީހުގެ މި ދައުރުގެ 25ވަނަ ޖަލްސާގެ ރިޔާސަތު ބަލަހައްޓަވާނީ އެ މަޖިލީހުގެ ރައީސް މުޙައްމަދު ނަޝީދުކަމަށް މައުލޫމާތު ލިބިއްޖެއެވެ.
މިއީ މި އަހަރުގެ މެއި މަހުގެ 6 ވަނަ ދުވަހުގެ ރޭ ރައީސް ނަޝީދަށް އަމާޒުކޮށްގެން ދިން ނިރުބަވެރި ހަމަލާއަށް ފަހު އެމަނިކުފާނު ރިޔާސަތު ބަލަހައްޓަވާ ފުރަތަމަ ޖަލްސާއެވެ.
ރައީސް ނަޝީދު އަވަހާރަ ކޮށްލަން އަމާޒުކޮށް ދިން އެ ހަމަލާގެ ސަބަބުން ލިބުނު އަނިޔާތަކަށް ރާއްޖެއިން ފަރުވާ ކުރުމަށް ފަހު އެ މަނިކުފާނު މިދިޔަ ފަސް މަސް ދުވަހު ހުންނެވީ ރާއްޖެއިން ބޭރުގައެވެ. އެގޮތުން ފުރަތަމަ ޖަރުމަނަށް ވަޑައިގަތުމަށް ފަހު، ފަހުން އިނގިރޭސިވިލާތަށް ވެސް ވަޑައިގެން ގިނަ ދުވަސްތަކެއް ވަންދެން އެތަނުގައި ހުންނެވިއެވެ.
ތިން ދުވަހުގެ ދަތުރުފުޅެއްގައި ރައީސް ނަޝީދު މިއަދު ވަނީ މާލެ ވަޑައިގެންފައެވެ. އެމަނިކުފާނު ނެތް އިރު މަޖިލީހުގެ ރިޔާސަތު ގިނައިން ބެލެހެއްޓެވީ އެ މަޖިލީހުގެ ނައިބު ރައީސް އީވާ ޢަބްދުﷲއެވެ.
އެނގިފައިވާ ގޮތުގައި ތިން ދުވަސް ފަހުން ރައީސް ނަޝީދު އެނބުރި އިނގިރޭސިވިލާތަށް ވަޑައިގަންނަވަނީ އެމަނިކުފާނުގެ ބޭސްފަރުވާ އިތުރަށް ކުރިއަށް ގެންދެވުމަށެވެ.
ދާއިމީގޮތެއްގަަ މަސައްކަތްކުރަންފެށުމުގެެ ކުރިންް ހޮލިޑޭޭ ވިޒިޓްގަަ އައިސްް އެތާަ ނާޗަރަންގީކުޅުމުގެެ ފުރުސަތުދިނުނަކީީ ހުތުރުކަމެއް
ދިވެި ރާއްޖެއާއި އިންޑިޔާ ފުޓް ބޯޅަ ކުޅޭ ތަން ބެލުމަށާއި، ބަރުލަމާނީ ހަދަން އައީ އެވެ. 3 މަސް ދެން ބަދަލުވެގެންދާނީ 3 އަހަރަށެވެ.