ގެއްލުނު ކުއްޖާ ހޯދަން އާންމުންގެ އެހީއަށް އެދިއްޖެ
ލޯންޗެއް ބަންޑުން ޖަހައިލައިގެން ކަނޑުމަތީގައި މިއަދު ހިނގި ހިތާމަވެރި ހާދިސާއެއްގައި ގެއްލުނު ކުޑަ ކުއްޖާ ހޯދަން އާންމުންގެ އެހީއަށް އެދިއްޖެއެވެ.
އެމްއެންޑީއެފްއިން ވިދާޅުވީ ވ. އަތޮޅަށް ކުރި ދަތުރެއްގައި އެރި ރާޅަކާ އެކު، ލޯންޗު ބަންޑުން ޖަހައިލައިގެން އުމުރުން ހަތަރު އަހަރުގެ ކުޑަ ފިރިހެން ކުއްޖަކު ވަނީ ގެއްލިފައި ކަމަށެވެ. އަދި އެ ކުއްޖާ ހޯދުމުގެ މަސައްކަތް އެމްއެންޑީއެފްއާއި އާއިލާގެ ފަރާތުން ކުރަމުން އަންނަ ކަމަށް ވެސް އެމްއެންޑީއެފްއިން ވިދާޅުވިއެވެ.
މި ހާދިސާ ހިނގައިފައި ވަނީ ޅ.އޮޅުވެލި ރިސޯޓުގެ އިރު ދެކުނުން އެއް ނޯޓިކަލް މޭލުންކަމަށް ލަފާކުރެވޭ ކަމަށާއި އެކުއްޖާ ލައިގެން ހުރީ ކަޅު ކުލައިގެ ޓީޝާޓެއް ކަމަށް ވެސް ކޯސްޓްގާޑުން މައުލޫމާތުދެއެވެ.
ކޯސްޓްގާޑުން ވިދާޅުވީ މި ހާދިސާގެ މައުލޫމާތު ކޯސްޓްގާޑުގެ މެރިޓައިމް ރެސްކިއު ކޯޑިނޭޝަން ސެންޓަރަށް ލިބިފައި ވަނީ މިއަދު ހަވީރު 5:10 ގައި ކަމަށެވެ. އަދި ކޯސްޓްގާޑް ޝިޕް ޝަހީދު ޢަލީ މިހާރު އެސަރަހައްދުގައި އެ ކުއްޖާ ހޯދުމަށް މަސައްކަތް ކުރަމުންދާ ކަމަށް ވެސް ހާމަ ކުރައްވައިފައިވެއެވެ.
އެމްއެންޑީއެފްއިން ވިދާޅުވީ އެ ކުއްޖާއާ ބެހޭ އެއްވެސް ޚަބަރެއް ވޭތޯ އެސަރަޙައްދުން ދަތުރުކުރާ އުޅަނދު ފަހަރުންނާއި އެހިސާބުގެ ރަށްތަކުން ބަލައިދިނުމަކީ ކޯސްޓްގާޑްގެ ވަރަށް ބޮޑު އެދުމެއް ކަމަށެވެ. އަދި އެކުއްޖާއާ ބެހޭ އެއްވެސް މަޢުލޫމާތެއް ލިބިއްޖެނަމަ ލަސްނުކުކޮށް ކޯސްޓްގާޑްގެ ހިލޭ ގުޅޭ ނަމްބަރު 191 ނުވަތަ 3395981 އަދި 3398898 ފޯނަށް ގުޅުމަށާއި އަދި ފެކްސް ކުރައްވާނަމަ 3391665 ނަމްބަރަށް ފެކްސް ކުރުމަށް އެމްއެންޑީއެފްއިން އެދިލައްވައެވެ.
ދެން ވަގުތުން އަންގަފާނެ ދަތުރުކުރާއިރު ލައިފުޖެކެޓު އަޅަން. ދިވެހިންގެ ހަތުގައި ވިއްދާފައި ތިބެންވާނި.ގައިމު މިއޮށް ގަދައިމު ލައިފުޖެކެޓު އަޅާގެން ތިބިނަމަ ފެންމަތީގަ އޮނާނީ ކަމެއްވިމަ ތެޅިގަންނާނީ
އެކުއްޖާގައިގަ ލައިފުޖެކެޓް އަޅުވާފަތޯހުންނާނި؟
ޚާއްޞަކޮށް މިދުވަސްވަރުގައި ދަތުރުފަތުރުކުރުމުގެ ޤަވާޢިދާއެއްގޮތަށް ދަތުރުކުރާ ފަރާތްތަކުން ޢަމަލުކުރުމަށް އިލްތިމާސްކުރަން ޤަވާޢިދާއި ޤާނޫތައް ހަދާފައިވަނީ ޢާއްމުންގެ ސަލާމަތާއި ރައްކާތެރިކަމަށްޓަކައި