ކާށިދޫ ކަނޑަށް ގެއްލުނު މީހާ ފަތައިފައި ކާށިދޫއަށް އަރައިފި
ކާށިދޫ ކަނޑަށް ގެއްލުނު މީހާ ފަތައިފައި ކާށިދޫއަށް އަރައިފިއެވެ.
މާލެއިން ބ.އަތޮޅަށް ދަތުރުކުރި ދޯންޏަކުން 22 އަހަރުގެ ފިރިހެނަކު ކާށިދޫ ކަނޑަށް ވެއްޓި ގެއްލިގެން ފުލުހުންނަށް ރިޕޯޓްކޮށްފައި ވަނީ މިއަދު 11:00 ޖެހިއިރުއެވެ. އޭނާ ކަނޑަށް ވެއްޓުނީ މުދާ އުފުލާ ދޯންޏަކުން ދަތުރު ކުރަމުން ދަނިކޮށެވެ
ރިޕޯޓް ލިބުމާ އެކު އެމްއެންޑީއެފް ކޯސްޓްގާޑާއި ފުލުހުން ވަނީ އެމީހާ ހޯދުމުގެ މަސައްކަތް ފަށައިފައެވެ.
މަޢުލޫމާތު ލިބޭ ގޮތުގައި މިހާރު އެމީހާ ވަނީ ފަތައިފައި ކާށިދުއަށް އަރައިފައެވެ.
މިކަމާ ގުޅޭ އިތުރު ތަފްސީލެއް ފުލުހުން އަދި އެމްއެންޑީއެފުން ވެސް ހިއްސާއެއް ނުކުރެއެވެ.
މި ދުވަސްވަރަކީ ވަރަށް ކަނޑުގަދަ ވިއްސާރަ ދުވަސްވަރަކަށްވުމުން ކަނޑުދަތުރުފަތުރު ކުރާ ފަރާތްތަކާ އަދި ހަމައެހެންމެ ކަނޑާ ގުޅުން ހުރި އެހެނިހެން ކަންކަމުގައި ހަރަކާތްތެރިވާ ހުރިހާ ފަރާތްތަކުން ވެސް ސަލާމަތާ ރައްކާތެރިކަމަށް އިސްކަންދިނުމަށް އެމްއެންޑީއެފުން ވަނީ އިލްތިމާސްކޮށްފައެވެ.
