ތޮއްޑޫގައި ސްޕެޝަލިސްޓް ޑޮކްޓަރުންގެ ހިދުމަތް ދިނުމަށް މަސައްކަތް ކުރަނީ
އއ. ތޮއްޑޫގައި ސްޕެޝަލިސްޓް ޑޮކްޓަރުންގެ ހިދުމަތް ދިނުމަށް މަސައްކަތް ކުރަމުންދާ ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
އއ. އަތޮޅަށް ރައީސް ޞާލިޙް ކުރައްވާ ރަސްމީ ސިލްސިލާ ދަތުރުފުޅުގައި އެ އަތޮޅު ތޮއްޑޫޫ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީއާ އެކު ބޭއްވެވި ބައްދަލުކުރެއްވުމުގައި އެމަނިކުފާނު ވިދާޅުވީ، ތޮއްޑޫގެ ސިއްހީ ހިދުމަތްތައް ރަނގަޅުކުރުމަށް އައިޖީއެމްއެޗްގެ އައުޓްރީޗް ޕްރޮގްރާމް މެދުވެރިކޮަށް ސްޕެޝަލިސްޓް ޑޮކްޓަރުންގެ ޚިދުމަތް ދިނުމަށް މަސައްކަތްކުރާ ކަމަށެވެ.
ރައީސް ޞާލިޙް އިތުރަށް ވިދާޅުވީ ތޮއްޑޫގެ މަގުހެދުމުގެ މަޝްރޫޢު ކުރިޔަށް ގެންދިޔުމަށް ހަމަޖެހިފައި ވަނީ ފެނާއި ނަރުދަމާގެ މަސައްކަތް ނިންމާފައި ކަމަށާއި އަދި އެ ރަށު ސްކޫލްގެ މަލްޓި ޕަރޕަސް ހޯލް ނިމި 12 ކްލާސްރޫމް މިހާރު ނިމިފައިވާ ކަމަށެވެ.
ތޮއްޑޫގެ ބަނދަރުގެ މަސައްކަތުގައި ރައްޔިތުން ހުށަހެޅުއްވި ކަންކަމަށް ރިޔާއަތްކޮށް މަސައްކަތް ކުރިޔަށް ގެންދަވާނެ ކަމަށް ވެސް ރައީސް ޞާލިޙްގެ ވާހަކަފުޅުގައި ފާހަގަ ކުރައްވައިފައިވެއެވެ.
