ނަޝީދަށް ދިން ހަމަލާ: ތިން މީހަކު ދައުވާއަށް އިންކާރުކޮށްފި
މިދިޔަ މެއި މަހުގެ 6 ވަނަ ދުވަހުގެ ރޭ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަަމާޒުކޮށް ދިން ނުރައްކާތެރި ޓެރަރިސްޓް ހަމަލާގެ ދައުވާ ލިބޭ މީހުންގެ ތެރެއިން 3 މީހުން އެ ދައުވާއަށް އިންކާރު ކޮށްފިއެވެ.
މިމައްސަލައިގައި މިއަދު ކްރިމިނަލް ކޯޓުގައި ކުރިއަށް ގެންދިޔަ އިބްތިދާއީ އަޑު އެހުމުގައި މި މައްސަލައިގައި ތުހުމަތު ކުރެވޭ 4 މީހެއްގެ މައްޗަށް ވަނީ ދައުވާ އުފުލައިފައެވެ. މިއަދުގެ އަޑުއެހުމުގައި ދައުވާއަށް އިންކާރު ކޮށްފައި ވަނީ ރައީސް ނަޝީދަށް ހަމަލާ ދިނުމުގައި އަމަލީގޮތުން ބައިވެރިވި ގއ. ވިލިނގިލި ހުދުރުވާގެ، ފަހުމީ އަލީ އާއި ނ. މަނަދޫ ނޫރީގެ އަލީ ހައިޝަމްގެ އިތުރުން މި މައްސަލައިގައި ތުހުމަތު ކުރެވޭ އާއި އއ. މާޅޮސް އަސަރީގެ، މުހައްމަދު ނާޒިމެވެ
ރައީސް ނަޝީދަށް ދިން ހަމަލާއާ ގުޅިގެން މިހައިތަނަށް ދައުވާކޮށްފައިވާ މީހުންނަކީ ގއ. ވިލިނގިލި، ހުދުރުވާގެ، ފަހުމީ ޢަލީއާއި، އއ. މާޅޮސް، އަސަރީގެ، މުޙައްމަދު ނާޡިމްގެ އިތުރުން މ. ކުދެހިގެ، އިސްޙާޤު، ވ. ތިނަދޫ ލަކީ އަދުހަމް އަހްމަދާއި މއ. ފޭރުގެ މުޖާޒް އަހުމަދާއި، ގއ. ކޮނޑޭ ފޮޅޭމާ ތަހުމީން އަހްމަދު އަދި ނ. މަނަދޫ ނޫރީގެ އަލީ ހައިޝަމްގެ މައްޗަށެވެ.
ރައީސް ނަޝީދަށް އަމާޒުކޮށް މެއި މަހުގެ 6ވަނަ ދުވަހު ދިން ހަމަލާގައި ބޮން ގޮއްވައިލިކަމަށް ދައުލަތުން ތުހުމަތުކޮށްފައި ވަނީ އަދުހަމް ރަޝީދަށެވެ. އޭނާ ވަނީ ކުށަށް އިއުތިރާފުވެފައެވެ.
