ރައީސް ނަޝީދަށް އަމާޒުކޮށް ދިން ހަމަލާއާ ގުޅިގެން ހައްޔަރުކުރި އަލީ މަނިކާއި ތަސްލީމުގެ ބަންދަށް 5 ދުވަސް
ރައީސް ނަޝީދަށް އަމާޒުކޮށް ދިން ހަމަލާއާ ގުޅިގެން ހައްޔަރުކުރި އަލީ މަނިކާއި ތަސްލީމުގެ ބަންދަށް އިތުރު 5 ދުވަސް ޖަހައިފިއެވެެ.
ތަސްލީމާއި ޢަލިމަނިކުގެ މައްޗަށް ދައުލަތުން އުފުލައިފައި ވަނީ ޓެރަރިސްޓު ޖަމާޢަތަކަށް ތާއީދުކުރުމުގެ ކުށުގެ ދައުވާއެވެ. މިއަދު ކުރިމިނަލް ކޯޓުގައި އެ ދެ މީހުންގެ ބަންދާމެދު ގޮތެއް ނިންމުމަށް ކުރިޔަށްދިޔަ އަޑުއެހުމުގައި ޢަލިމަނިކު ވަނީ ޝަރުޠުތަކަ ކާއެކު ގޭ ބަންދަށް ދޫކޮށްލުމަށް އެދިފައެވެ. ތަސްލީމު ވެސް އެދިފައި ވަނީ ގޭބަންދަށް ބަދަލުކުރުމަށެވެ.
އެ ހަމަލާއާ ގުޅިގެން މިހާރު ދަޢުވާ ކޮށްފައި ވަނީ ހއ. މޮޅަދޫ ބަހާރުގޭ އަބްދުﷲ އަލިމަނިކު އަދި ހއ. ހޯރަފުށީ އަލަނާސިގޭ މުހައްމަދު ތަސްލީމްގެ މައްޗަށެވެ. މި ދެމީހުންގެ މައްޗަށް ދައުލަތުން އުފުލައިފައި ވަނީ ޓެރަރިސްޓް ޖަމާއަތަކަށް ތާއީދުކުރުމުގެ ކުށުގެ ދައުވާއެވެ.
ރައީސް ނަޝީދަށް ދިން ހަމަލާއާއި ގުޅިގެން މިހައިތަނަށް ދައުވާކޮށްފައިވާ މީހުންނަކީ ގއ. ވިލިނގިލި، ހުދުރުވާގެ، ފަހުމީ ޢަލީއާއި، އއ. މާޅޮސް، އަސަރީގެ، މުޙައްމަދު ނާޡިމްގެ އިތުރުން މ. ކުދެހިގެ، އިސްޙާޤު، ވ. ތިނަދޫ ލަކީ އަދުހަމް އަހްމަދު އާއި މއ. ފޭރުގެ މުޖާޒް އަހުމަދު އާއި، ގއ. ކޮނޑޭ ފޮޅޭމާ ތަހުމީން އަހްމަދު އަދި ނ. މަނަދޫ ނޫރީގެ އަލީ ހައިޝަމްގެ މައްޗަށެވެ.
ރައީސް ނަޝީދަށް އަމާޒުކޮށް މެއި މަހުގެ 6 ވަނަ ދުވަހު ދިން ހަމަލައިގައި ބޮން ގޮއްވައިލިކަމަށް ދައުލަތުން ތުހުމަތުކޮށްފައި ވަނީ އަދުހަމް ރަޝީދަށެވެ. އޭނާ ވަނީ ކުށަށް އިއުތިރާފުވެފައެވެ.
