މެދު ކެނޑުމަކަށްފަހު ނައިޓް މާކެޓު ބާއްވަނީ!
ރާއްޖޭގައި ބޭއްވޭ ވިޔަފާރީގެ އެންމެ ބޮޑު "ފެސްޓިވަލް"ކަމުގައިވާ ނައިޓް މާކެޓް ނުވަތަ މަގުމަތީ ބާޒާރު ބާއްވަން ބޭނުންވާ ފަރާތްތަކުން އެކަމަށް ބޭނުންވާ ހުއްދައަށް އެދި ފޯމު ހުށައެޅުމަށް ހުޅުވައިލައިފިއެވެ.
މާލޭ ސިޓީ ކައުންސިލުން ވިދާޅުވީ މާލެ، ވިލިމާލެ އަދި ހުޅުމާލޭގައި ނައިޓް މާކެޓް ބޭއްވުމަށް ހުއްދަ ދޫކުރުމަށް ހަމަޖެހިފައިވާ ކަމަށެވެ. މިކަމަށް އެދި ފޯމު ހުށައަޅާ ފަރާތަކުން ފޯމު ހުށައަޅާއިރު ވިޔަފާރީގެ ރަޖިސްޓްރީއާއި މާކެޓް ބާއްވާން ބޭނުންވާ މުއްދަތު ފެށޭ އަދި ނިމޭ ތާރީހު ހިމެނުމަށާއި މާކެޓް ބާއްވަން ބޭނުންވާ ތަނުގެ މައުލޫމާތު އެނގޭ ލިޔުންތަކާއި މާކެޓް ހިންގުމުގައި ޒިންމާވާ ފަރާތުގެ މައުލޫމާތާ އެކީ ފޯމު ހުށަހެޅުމަށް މާލޭ ސިޓީ ކައުންސިލުން ވަނީ އެދިފައެވެ.
ނައިޓް މާކެޓް ނުވަތަ މަގުމަތީ ބާޒާރަކީ ދިވެހިން ޒަމާނުން ސުރެ ވަރަށް ފޯރިއާ އެކު ވިޔަފާރި ކުރާ މާކެޓެކެވެ. އަދި މި މާކެޓަކީ ރާއްޖޭގައި ބޭއްވޭ ވިޔަފާރީގެ އެންމެ ބޮޑު އީދެވެ. ނައިޓް މާކެޓް އާއްމުކޮށް ބާއްވަނީ ޖުލައި 26އާ ގުޅުވައިގެން ނަމަވެސް ފަހުން ވަނީ ޖުލައި 26 ނޫނަސް އެކި އެކި މުނާސަބަތުތަކާ ގުޅުވައިގެން ނައިޓް މާކެޓް ބާއްވައިފައެވެ.
Ads by STO
