ގެއްލިގެން ހޯދަމުން ދިޔަ ދެ މީހުން ފެނިއްޖެ

ގެއްލިގެން ހޯދަމުން ދިޔަ ދެ މީހުން ފެނިފައިވާކަމަށް ސިފައިން ބުނެފިއެވެ.

Ads by STELCO

ގެެއްލިގެން ހޯދަމުން ދިޔައީ ގދ.މާވަރުލާއި ގދ.ގައްދުއާ ދެމެދު އޮތް ފަޅުރަށަކަށް އިއްޔެ ހެނދުނު ދިޔަ ދެ މީހުންނެވެ. އެ ދެ މީހުން ގެއްލިގެން ސިފައިންނަށް ރިޕޯޓް ކޮށްފައިި ވަނީ ރޭ 22:03 ހާއިރުއެވެ.

ގެއްލިގެން ހޯދަމުންދިޔައީ ގދ.ގައްދޫ، ޗިޗަންޑާގޭ އުމުރުން 70 އަހަރުގެ އަބްދުއްރަހީމާއި، އެރަށު ޗަނބޭލީގެ އުމުރުން 70 އަހަރުގެ ހަސަން މަޖްދީއެވެ.

ސިފައިން ، ރޭ ފަތިހު ބުނީ އެ ދެ މީހުން ހުޅުމާވަރުލު ކިޔާ ރަށެއްގައި ތިއްބާ ފެނިފައިވާ ކަމަށެވެ. އެ މީހުން އެ ރަށުގައި މަަޑުކޮށްގެން ތިބީ ދިޔަވަރު ހިކި ކަމުން އެ މީހުން ދަތުރުކުރި ބޮއްކުރާގައި ނުދެވިގެން ކަމަށް ވެސް ބުންޏެވެ.

އެ ދެ މީހުންގެ ހާލު ރަނގަޅު ކަމަށް ވެސް އެމްއެންޑީއެފުން މައުލޫމާތުދެއެވެ.